آخر 10 مشاركات
جدار بلا دفء (الكاتـب : - آخر مشاركة : - مشاركات : 1 - المشاهدات : 207 - الوقت: 03:15 PM - التاريخ: 07-21-2019)           »          ابي وامّي (الكاتـب : - آخر مشاركة : - مشاركات : 5 - المشاهدات : 204 - الوقت: 03:14 PM - التاريخ: 07-21-2019)           »          اَه يا عرب ! (الكاتـب : - آخر مشاركة : - مشاركات : 5 - المشاهدات : 180 - الوقت: 02:40 PM - التاريخ: 07-21-2019)           »          هجاء (الكاتـب : - آخر مشاركة : - مشاركات : 13 - المشاهدات : 253 - الوقت: 12:45 AM - التاريخ: 07-21-2019)           »          بعض الَّذى بَرَقَ (الكاتـب : - مشاركات : 26 - المشاهدات : 737 - الوقت: 12:40 AM - التاريخ: 07-21-2019)           »          ثرثره (الكاتـب : - آخر مشاركة : - مشاركات : 5 - المشاهدات : 176 - الوقت: 12:25 AM - التاريخ: 07-21-2019)           »          ومضات للوطن : رسائل لا تعترف بحدود (الكاتـب : - مشاركات : 56 - المشاهدات : 4838 - الوقت: 10:19 PM - التاريخ: 07-20-2019)           »          نماذج : القصة القصيرة جدا (الكاتـب : - مشاركات : 12 - المشاهدات : 95 - الوقت: 08:24 PM - التاريخ: 07-20-2019)           »          سـرادق عزاء آل الخزاعلة (الكاتـب : - آخر مشاركة : - مشاركات : 4 - المشاهدات : 156 - الوقت: 08:21 PM - التاريخ: 07-20-2019)           »          حصـاد الريق (الكاتـب : - مشاركات : 42 - المشاهدات : 1733 - الوقت: 08:20 PM - التاريخ: 07-20-2019)




ديوان الشاعر أحمد راضي

دواوين شعراء العامية


إضافة رد
قديم 07-07-2010, 11:07 PM رقم المشاركة : 11
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي




زينة الحياة
*********
حمدا لرب البرايا اللى خلقنى فقير
وعطانى من نعمته بالحكمة والتدبير
اليوم بيوم يتولد رزق ومافيش توفير

ويوم كدا و يوم كدا وكله بيعدى
ما دمت راضى وسعيد ياعم مين قدى
دنا اللى دسنى الزمن ولسه عندى ضمير
**********************
يا ما فيه بطون إتملت من كل شئ موجود
حلال حرام يلهفوا والتخمة ملت العود
لماالجناب ترشقت والسحت قتل الدود

كان سهل أكون زيهم واكل وانا شبعا ن
واخطف بإيدى الرغيف لوحتى م اللى جعان
وابقى فى شرع الوحوش كريم وصاحب جود
****************************
وياما ناس حملها على كتف ناس تانين
داسوعلى خدهم بعد ما داسوالطين
ويقولو دى الفهلوه وإحنا اللى مش فهمين

ملعون يا قرش إتجلب بالشرخ فى كرمتى
أطوى عشانه القدم وتنحنى قامتى
وابوس إيدين علمت على وشى فى الخدين
*************************
دا من كرم ربنا الصحة عال العال
أقدرأشيل الظلط واهرد صخور وجبال
واجرى ورا لقمتى لو حتى بالأميال

زينة الحياة نصها عندى ومنيش محروم
إدانى منها البنين والمال ماهوش مقسوم
ودى حكمة من ربنا وقول ياراحت البال
*************************
هواللى عالم خفايا القلب والنية
إدانى من نعمته والنفس مرضية
لوكان عطانى المال والصحة مش هيه؟

سعتها تبقى الفلوس والدنيا ما تساوى
دا الهم لبس العليل وف حضنه متاوى
واللى معاه صحته يتهنا بالدنيا
************************
احمدراضى







التوقيع

رد مع اقتباس
قديم 07-07-2010, 11:08 PM رقم المشاركة : 12
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي

شروق


وقفت اودع فى اللى
راح
من عمرى
والقلب اتعصر
لاأنينى ها يد مل
جراح
ولادمعى ها يرد القدر
وشبابى بتهجى الرحيل
من بين سنين
عمرى اللى فا ت
يقلقنى خوفى
من المشيب
والوحده طالت
فى السفر
***********
با فرك فى عينى
ودمعى بجرى
على الخدود
وابلع فى خوفى
وادارى ضعفى اللى ابتدى
وقت السؤال
يفضح كسوفى
ياهل ترى القلب العليل
ها يجيله يوم
ويدق تانى
ويحس با الأشواق
ونبضه من الخجل
يرعش كفوفى
**********
ولما سهمك صابه
رفرف
بين ضلوعى واتفزع
ويئن با الأشواق
وحاسس
قلبى منى ها يتخلع
أحاسيس هواجس
نار و شوق وصوره
بتشاغل عيونى
شاورت
شاورت من بعيد
مسحت بايدها على الوجع
**********
و انا اللى فاكر
شمسى غا بت
واللى راح م العمرراح
رجعتى للقلب الأمان
واتشق م اليل الصباح
واخضرعود الفرح
تانى
ف غصن تاه
عنه الربيع
وسنينى فرطت
حزنها
ولملمتنى من الجراح
ويطول على اليل
أناجى فى القمر
واحلم فى بكره
يغلبنى شوقى ف وحدتى
أما افتكر
فين أحلى ذكرى
***********
أحضن خيالك
بين رموشى
واكلمه
عن شوق فؤادى
ماهوطاروجا لك
من سنين
لولسه فكره
**********

احمدراضى







التوقيع

رد مع اقتباس
قديم 07-07-2010, 11:09 PM رقم المشاركة : 13
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي

موال
****


يارايحين لنبى خدونى نفسى أزور
لا ذنوبى تقلت وخايف لم يصبنى الدور
وانا الضيعيف اللى عاصى ومنايا يشفعلى
ونفسى أتوب وانصلح واشوف بعينى النور
***********************************
يغلب فؤادى الهوى واغرق ف عصيانى
وامشى ف طريق الشيطان والنفس عصيانى
تميل أميل واتخدع ويحلى كل رزيل
وان عودى مال هتميل ف الوحل أغصانى
***********************************
يا ااااااغافر الذنب جيتلك وانا الجانى
آثم وفاض بى الندم ودموعى سبقانى
طمعان ف كرمك وكرمك ع العباد ذايد
ياسابل الستر تمهل ولا مرة ساب جانى

**********************************

احمدراضى







التوقيع

رد مع اقتباس
قديم 07-07-2010, 11:09 PM رقم المشاركة : 14
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي



من رباعيات احمدراضى
***************
ماتعذينيش ف المبادىء
وتنوح على نوحى
لا الصبر ولا بالسكات
راح تنتهى جروحى
لازم نفضفض ونصرخ
ونحرك الراكد
وإبدأ بنفسك حسبها
وأنا ح بتدى بروحى

********************
يصعب عليا أشتكى
أو أقول مانيش مسؤل
الدنيا حالها إتقلب
ولافيش سلوك معدول
لحم البنات ع الرصيف
بتباع يامين يدفع
وبدال مانقف لهم
بناخد دى ونسيب دول

***********************

لولسه فكره إنى نسيت
هوإنتى عرفه أنا أبقى مين ؟
أنا دمى طهر جبهتك
من بيتنا لما لطور سنين
فى نقتطين على طرحتك
من دمى يمكن يشهدوا
أنااللى عشت ف غربتك
ولسه بين حضنك سجين
******************
قالولى أصبر قولت ماشى
الصبر زين
ومسيرها تفرج
بس يجى الخيرمنين ؟؟
دا ملوش طريق نحيتنا
بيحود حداهم
وبإس منهم
مش عشان ملهوش عنين



احمدراضى
======









التوقيع

رد مع اقتباس
قديم 07-07-2010, 11:10 PM رقم المشاركة : 15
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي


كل سنة وكل ام بصحة وسعادة وهناء
كل عام وانتم جميعا بخير


ضمينى ياما
******
ضمينى ياما وطبطبى
على كتفى
خلينى احس الأمان
واحس بقلبى متدفى
فين إبتسامة زمان
ونظرتك ليا؟
وضمة الحضن
وانتى بتلعبى ف كفى
**********
وحشتنى لمسة إيديك
على شعرى وجبينى
وهمسة الحب لما
بضمها ف عينى
تفرش ورود الأمل
على طريق بكرة
وتزيح هموم الحياة
وحلوها يجينى
**********
وحشتنى ضمة حنان
من حضنك الدافى
يامايا حمل الزمن
شلته على اكتافى
مدى إيديك إفرطى
عرق السنين منى
وادعيلى بين رقوتك
يارب ياشافى
**********
احمدراضى







التوقيع

رد مع اقتباس
قديم 07-07-2010, 11:10 PM رقم المشاركة : 16
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي



البرواز
******
قوليلى مين فى الهوا
نابه اللى نابنى وتاب
ياسكنة قلبى وساكنك
وانتى لسه شباب
كان لسه توبك مطرز
بالخضار والطمى
واقفة أصاد الزمن
تستنى بكره الجى
وفارشة حجرك دفا
ع المسطبة والغيط
أشم ريحتك تسابقنى
لحضن البيت
واشوف صورتك
فى كل وشوشنا
يوم ورا يوم
ماغَبتش لحظة
ولوحتى إن غلبنى النوم
تجينى فى المنام واقفة
بتوب أخضر
واشوف نفسى فى ريح
منك على منبر
وكل الناس بتهتف لك وبتنادى
تضميهم بضمة أمى لولادى
وفجاة صحيت على الدمعة
اللى ف عيونك
وصرخة أه تزلزلنى
يانكرة بإن محبوبك
أبص لصورتك الحلوة
اللى ملقتهاش
وبسأل عنى ف الزحمة
تقول إن مجاش
لمحت بعينى كام
منظر ورا البرواز
وشفتك شابة بتعرج
على العكاز
وأحلامنا اللى تتحقق
لناس تانية
إحنا اللى كان عزمنا
بيحبل الثانية
تولد سعات ينعجن
فيها العرق والكد
نبدرها تطرح بنا
عمر الأمل مانهد
كنت أستمد الشموخ
منك وانا حابى
ياسمرة فين شمختك
انا لسة بشبابى
شايل فى إيدى القلم
والمطرقة والفاس
ولسه ريحة العرق
بتزاحم الأنفاس
متعرجيش واصلبى
عودك على عودى
انا لسه لون التراب
مطلى على خدودى
قومى البسى طرحتك
وطرزى الفستان
الزاى جعان يطعمك
أو يسترك عريان
ماتفرقيش شملنا
وتهجرى الأعتاب
دا ما كنش من طبعنا
نستعطف الأغراب
***
احمدراضى







التوقيع

رد مع اقتباس
قديم 07-07-2010, 11:11 PM رقم المشاركة : 17
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي

شرنقة

شعر : أحمد راضي

:

شقشق ياصبح وزيح غمانا

وانطلق واخلق نهار

وفتت الضلمه اللى دهسة

فكرنا وأصبح بوار

ارسم ملامحنا ف وشوشك

خبى شوفك م اللى صار

نشرب كاسات العار

ونسكر لما نسجد للدولار

******
اسرقنا من روحنا اللى نامت

جوه حلم سنين قتيل

متلفعين بتاريخ جدودنا

ونمنا وادى اليل طويل

مين يزرع الحكمة اللى تطرح

فلسفة نخلك يانيل

فى قلوب شراقى وشر مروى

وحقد سلم جيل لجيل

******

م الخوف بنغزل شرنقة

والجبن ستره للضعيف

اشلائنا تتنطور فى دارنا

وطفلة بتهنن رغيف

صورة من منظر طبيعى

بين جماجم ع الرصيف

والكلاب تنهش وتنبح

تشرب الدم الشريف

******

يظهر العجز ف وشوشنا

لما نسندع الزمن

وندارى عورات البلادة

باالخطابة فى المحن

أو نعزى ف شعب ببكى

من مرارات الوهن

شاف تاريخنا بينتحر

فوق جبينك ياوطن

******

نلفت وشوشنا ونبتسم

ونكمل الخطبه ببجاحه

ونزيف التواريخ وتسقط

م القلوب كل الصراحه

نبيع فى أعراض الحقيقه

تحت عنوان السماحه

لأمتا نسند ع التمنى

ونجمل القبح باباحه


******







التوقيع

رد مع اقتباس
قديم 07-07-2010, 11:12 PM رقم المشاركة : 18
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي




حلمى القتيل
**********
جوايا حلم اتقتل
وأمال كتير
بتموت
وكلام ف حلقى اتسجن
ولسان بداء السكوت
ولحد أمتى أنتظر
على نصية امارح
فى حجرى هم الزمن
وف صدرى مليون صوت
******
أنبش
فى جرحى القديم
بضوافر الذكرى
والف حلمى القتيل
وأدحرجه لبكره
واحفن دموع غربتى
وانا بين
دراعاتك
يطوينى خوفى
واحس
بألف ايد بره
****
فارده المخالب
لتار بايت
وغل قديم
عايزين ولادك
فى دارهم
يبقم المعازيم
و مص دم الضحايا
اللى ادفع لك
مهر
أيام ماكنتى العروسة
وانا لسه طفل
يتيم
****
انادم ابويا اتفرشلك
فى الصحارى
نجيل
ودا دم عمى
اللى جلنا
فى هواكى قتيل
مغسول به توبك
فى ليلة الحنه
م الأنجاس
وروحهم اتعلقت
ليلة الفرح
قناديل
*****
ماتوربى بير رحمتك
وسبينا
نملا الكاس
قفلاه فى عز احتياجنا
لفرفطة أنفاس
دول اللى شقوا
طريق السعى
لرحابك
وملكوك عرشهم
وحكموك ع الناس
*****
لو ضاق
خناق رهبتك
من شدة الأحكام
عقد الوداد يتفرط
والحبه تبقى بكام؟؟
ويبلى توب التسامح
على جتة المظاليم
يتهتك الصبر
م الصبر
اللى طال أعوام
*****
على بابك اللى
اتقفل
كام ألف ايد
بتدب
منهم
غريمى اللى زاحم
فى الصفوف
بيسب
وقبل بابك
فتحتيله دراعاتك
وطردتى
من رحمتك
ابنى اللى لسه
بشب
*****
ساعتها شوفى اتعتر
فى الحاضر المدبوح
وشفت دوس القدم
على خدنا مسموح
ودموع
بتنزف ندم
فى كل أركا نك
تغسل دروب اتروت
بدمنا المسفوح
*****
فشيلت حلمى القتيل
كفنته
ف أحضانى
بتاريخ طويل انكتب
على صفحة قلقانى
ومليت كفوفى بمرارة
ودنا المبتور
برهان ليوم أكرهك
وأ جهربعصيانى
*****

احمدراضى







التوقيع

رد مع اقتباس
قديم 07-07-2010, 11:14 PM رقم المشاركة : 19
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي



مش بإيدى
*****


غربينى وطفى شوقى

عودينى ع الغياب

اكسرى جناحين هوايا

بقسوة اللوم والعتاب

كرهينى ف ذكرياتى

حطمى ف قلبى الآمال

نفسى اشوف سكه لرجوعى

نفسى اشوف للهجر باب

*****
بكتبك أجمل قصايدى

يااللى وسط الحزن فرحى

والمحك فى البعد جايه

طيف بيتملى ف ملامحى

أساله يفضح شعورك

ليه بتدارى ف أساوتك

مهما تأسى مش ح تنسى

دا انتى من طبعك تسامحى

*****
نفسى أغمض عينى عنك

والتفت من غيرما اشوفك

واما جفنى ينام وعينى

بصحى على لمسة كفوفك

بصحى من حلمك لحلمك

واما بشتاق لك تجينى

وانتى هاله وطاله منى

بس بتدارى ف كسوفك
*****


مش بايدى اكره ولاابعد

أصل قلبى الله يسامحه

استغل كلامى عنك

لما كنت بقول وصارحه

يبتسم لو قولت هبعد

يبتسم لوقولت هكره

وانتى عارفه ان يوم هجرتك

يتقمص معرفش اصلحه

*****


احمد راضى







التوقيع

رد مع اقتباس
قديم 07-07-2010, 11:15 PM رقم المشاركة : 20
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر أحمد راضي

قصائد مسموعة

الأخوة الأعزاء أعضاء منتدى قناديل الفكر و الأدب الكرام
السلام عليكم و رحمة الله و بركاته
هذه مجموعة قصائد مسموعة هي :-
1 - أخر كلام
2 - إحنا مين
3 - شروق
4 - حلمي القتيل
لسماع القصائد إضغط هنا

ولكم جميعا جزيل الشكر
أحمد راضي






التوقيع

رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
الأعضاء الذين قرأو الموضوع :- 13
, , , , , , , ,
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر أحمد إبراهيم أحمد راضيةالعرفاوي دواوين شعراء العامية 87 01-09-2018 01:45 PM
الشاعر القدير أحمد راضي /أهلا بعودتك,,!! كمال أبوسلمى الترحيب و المناسبات و العلاقات العامة و الإهداءات 5 12-18-2011 04:53 PM
ديوان الشاعر د.محمد عاصي راضيةالعرفاوي دواوين شعراء العمودي و التفعيلي 55 11-10-2011 09:39 PM
ديوان الشاعر محمد الصاوي راضيةالعرفاوي دواوين شعراء العامية 15 07-10-2010 01:51 AM
هنئوا معي أخي الشاعر الجميل /أحمد راضي بالأشراف على قسم العامية سيدة الشولى الترحيب و المناسبات و العلاقات العامة و الإهداءات 17 06-09-2009 06:49 PM


Loading...


:: الإعلانات النصيه ::

روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه


Powered by vBulletin® Version 3.8.4
Copyright ©2000 - 2019, Jelsoft Enterprises Ltd.

Security by AOLO
vEhdaa4.0 by vAnDa ©2010