آخر 10 مشاركات
تقرير حول كتاب ثقافات الهامش والهويات العليا (الكاتـب : - مشاركات : 1 - المشاهدات : 66 - الوقت: 01:33 AM - التاريخ: 11-13-2019)           »          همسات ،،، (الكاتـب : - مشاركات : 7006 - المشاهدات : 152086 - الوقت: 01:31 AM - التاريخ: 11-13-2019)           »          رقص الطيور (الكاتـب : - مشاركات : 16 - المشاهدات : 1975 - الوقت: 09:14 PM - التاريخ: 11-12-2019)           »          ثورة فلاسفة (الكاتـب : - مشاركات : 8 - المشاهدات : 588 - الوقت: 09:08 PM - التاريخ: 11-12-2019)           »          صفقة. محمد محضار (الكاتـب : - آخر مشاركة : - مشاركات : 3 - المشاهدات : 52 - الوقت: 08:53 PM - التاريخ: 11-12-2019)           »          رثاء (الكاتـب : - آخر مشاركة : - مشاركات : 1 - المشاهدات : 41 - الوقت: 08:45 PM - التاريخ: 11-12-2019)           »          دونـــــــــــــــك (الكاتـب : - آخر مشاركة : - مشاركات : 187 - المشاهدات : 9134 - الوقت: 08:24 PM - التاريخ: 11-12-2019)           »          هذيان الشتاء (الكاتـب : - آخر مشاركة : - مشاركات : 3833 - المشاهدات : 191880 - الوقت: 08:22 PM - التاريخ: 11-12-2019)           »          على رصيف الانتظار (الكاتـب : - آخر مشاركة : - مشاركات : 47 - المشاهدات : 2960 - الوقت: 08:15 PM - التاريخ: 11-12-2019)           »          مواســــم ... (الكاتـب : - مشاركات : 305 - المشاهدات : 23996 - الوقت: 08:09 PM - التاريخ: 11-12-2019)




ديوان الشاعر محمد الصاوي

دواوين شعراء العامية


إضافة رد
قديم 07-10-2010, 01:37 AM رقم المشاركة : 1
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


المنتدى : دواوين شعراء العامية
افتراضي ديوان الشاعر محمد الصاوي


اللي فاضل ف الملامح

دفتر قديم
وتابوت لأحلامي اللى ماتت ف السطور
افتحي
وأقري اللي فاضل ف الملامح
الجو مالح
والسما
موج بيحدف جسمي للأموات
لسرير عجوز
مل منى
مل من قلقي لمنامه
لما بأطلع من كابوس
حتى صوتى اتخلى عنى
لما بنده
يهدم الميادين ف روحي
تبقي روحي جوه منى عايشة غربة
قربه عبت فيها ايدي
كل احلامي الجميلة
والقليلة
والتقيلة
هى خطوه رجلى فوق سدر الطريق
والبرئ ف الوردة شوكها
لما تهديها لحبيب
والغريب ف الوردة موتها
قبل ما يموت الطريق
ذكري يمكن تفتكرني بيا روحها
كل ليله افتح سطورها
اقري فيها كلمتين
واغسل الاحلام ف دمي
لسه قلبك بيساومنى
كلمة منك
كلمة منى
مش هتتلاقي العنين
مش هتتلاقي الايدين
مش هبلغ روحى انك
فوق شفايفي لبتسامه
جوه عيني دمعتين
مهما قولنا مع السلامة
مش هيفترقوا الروحين






التوقيع

رد مع اقتباس
قديم 07-10-2010, 01:38 AM رقم المشاركة : 2
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي



قلبي صندوق للبريد




النور بينزل م السما

يبوس شفايف الأسفلت

ويحضن خطوة الماشيين

ويعجن في العيون لون الفرح

وانا قلبي صندوق للبريد

متعبي بالأشواق

لا ف يوم بيخلي م الغنا

ولا صرخة المشتاق

طوابير كلام

ووشوش حزينة ومفرحة

والليل حصان مطلوق ف دمى

حير وراه القلب

وبعتر النبض ف عروقي

لمي شوقي م النسيم

واطبعى كربون شفايفك فوق خدودي

وازرعي ف صوتي الغناوى

قلبي ناوي ينهزم قدام غرامك

مدى أيدك جوه قلبي

افتحي صندوق رسايلي

سمعيني كلامي عنك

نفسي اسمع صوتي منك

امسحي بأديكي ليلي

واخنقي الأحزان ف شمسك

واسمحي لعصفور كناريا

يدخل الحرية من شباك عنيكي

يفرد جناحه فوق سماكي

مدى أيدك

شبكي حضنك ف حضني

لسه خوفي بيراودنى ع الخروج من جنتك

ربعي قدام عنيا واسمعي

عيل بيحلم بالفرح والأمنيات

كان طول زمانه بينتظر

طلة عيونك ع الوجود

كان طول حياته

بيوفى ليكى

من غير ما يبقي لروحك انتى عليه عهود

صده قلبك بالورود

وساب عنيكي تفلته من بين صوابعك

وانتى طبعك فوق جبينه

خلي صوته جواب مصوجر

بستحلفك بالله بأنك تفتحيه

اقري صوته وترجميه

وبلاش بسرعة توصلي لنقطة نهاية وتمنعية

إن يشبع صوته من طله عيونك ع اللي بيه

وياريت ف حلمك تقبليه

يمكن فاضل له كلمة واحدة

بين شفافية

اسمعيها وودعيه

اسمعيها وودعيه






التوقيع

رد مع اقتباس
قديم 07-10-2010, 01:39 AM رقم المشاركة : 3
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي



فوق درجات سلم الجامعة

طالعة البنت اللى واخدة ف حضنها
كشكولين الحلم
فوق درجات سلم الجامعة
بالضحكة اللى بترميها ف عنين كل الولاد
وشخبطته قلمي فوق ورق المحاضرة
لما بتكتب لها كلمة بحبك
واقبل اما تكتمل القاها مشطوبة
من خوفي انى ماكونش فارس حلمها
اللى بتستناه
كل طلة صبح ع السلم
رابط ف ايدي كل احلامي
شابك ف روحي دبلتين الورد
وف صوتى غنوه بلحنها اتولدت
وقلبي نازل فيا رزع وهبد
باجمع جرائتي وقلبي خايف موت
ليكون لروحها حد ف الملكوت
مشغولة بيه وعنيا مش شيفاه
القى ف صراخ القلب مليون اه
اقول لقبي والحنين جواه
مستحيل دى تكون
بالشكل دا شغلاك
يمكن براءة وشها سحراك
جايز ف عينها حاجة مختلفة
وف كل ليله اطلع لها الاحلام
المح ف عينها انها عارفة
لما كتبت ف اول الصفحة
كلمة بحبك بس مشطوبة
وقولت هقول الكلمة دى النوبة
سحبت كلامى من على شفايفي
وسابتني الملم روحي وحروفي
من فوق درجات سلم الجامعة






التوقيع

رد مع اقتباس
قديم 07-10-2010, 01:40 AM رقم المشاركة : 4
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي

شيال حمول الزمن


اهداء
الى ابي



ماقبلش اكون
حسرة ف عنيك
على زرع عمرك
انا حلم منك
محفور ملامحك فوق تفاصيلي
شيال حمول الزمن
وما حد شال حملك
انا نبت رافضة الارض تحملنى
وانت اللى راضى تشق قلبك نيل
وتمد فيا ضهر يحميني
تفرد جناحك فوقى وتضلل
وتضل عنى عيون بتحسدني
اعتر الاقى حد بيسمي
القى ايديك على طول بتسندني
اوطى احاول بس ابوس ايدك
القاك حادفنى جوه احضانك
انا حلم طالع من شريط عمرك
خطوة بتبدا ف الزمن بطريق
اوصل نهايته يبتدي رحله
يوصل نهايته فرع من ريحتك
تكتر فروعك وانت جزع اصيل
وازاى يميل الفرع
وهو فيه ريحتك






التوقيع

رد مع اقتباس
قديم 07-10-2010, 01:43 AM رقم المشاركة : 5
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي

و يحلالى اغنيكي اهداء الى امى / سيدة الشولى




اهداء
الى امى الحبيبة
سيدة الشعر
سيدة الشولى



ويحلالى اغنيكي
واشوف صورتك ف كل عيون
اعيش العمر اناديكي
ودربي بالغرام مسكون

اقول انك مداد روحى
ورحلة صبري وحياتي
تفوت صورتك على جروحى
الاقى الدنيا تصفالي

ويبقي العشق موالى
وزادى انتى وزوادى
تهون روحى انا راضى
وروحى عليكي ما بتهون


يا كلمة بتعشق الاحساس
يا كل ما فيا من معنى
قوليلي الدنيا ليه تنداس
وهى رافضة تسمعنا


وتفتحلى عنيكي طريق
ويحلالى السفر فيهم
الاقى البحر فيكي غريق
وموجه العشق كاويهم


ولو قلبي زرعتوا ورود
نداكى احتاجوا يرويني
ويكتب فوق خدوده ردود
حروف صوتك تداويني






التوقيع

رد مع اقتباس
قديم 07-10-2010, 01:44 AM رقم المشاركة : 6
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي



آخر قوة ف روحى


من فوق جدران القلب
بتصحي مشاعرى المدفونه
القانى بفوق
وبحس بصوتك ينده جوايا
وبصوتى ينده جواكى
مع انك قولتى انك راجعه
ومشيتي ولا سلمتيش
ماسبتش ايديكي على السطر كلام
يتصبر بيه القلب ف بعدك
دى الشمس بتترجا القضبان تتملى بنورك
وبحور الشعر بتعلن لستسلام
ولغتى
بتأكد انها جاهلة
والحبر بيبداء بينه وبين السطر عداوه
وحزين الجفن اللى مضمش صورتك لعنيه
وانا ايه من غيرك
غير حبه حبر اترسموا حروف
غير خوف مطمن انه ف حضن الخوف بيعيش
السما مش قابلة عزاها ف روحك
والعمر انا رافض اعيشة من غير روح
قلبي المفتوح ميادين وشوارع
معدتش الانوار سكناه
ولا عدش الفرح يلون جدرانه
مبقاش مفروش غير اشباح
بتزلزل جسمي
بتكفن روحى
من خوفى
بتوضي واصلي عليا
وادفنى ف غربة ايامي
و ف صف طويل واقف
باخد ف عزايا
وف اخر شط من الكوابيس
بلقيكي قصادي
اجرى بأخر قوة ف روحى
القيني الاول ف الصفحة
ممنوع حتى انى ازورك
واتملى بنورك
ممنوع انى اغسل روحى بطهرك
مع انى مش قادر على بعدك
هستني
جايز يتحقق حلمى ف يوم
وتلبي ندايا
والاقي ايديكي بتحضني
واطوف جواكى
واطوف جواكى






التوقيع

رد مع اقتباس
قديم 07-10-2010, 01:44 AM رقم المشاركة : 7
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي

مقتول قتيل .....!؟

شهوه الانفاس بتعلى
فوق صدور الامنيات
وبنات تسلم نفسها لشهوه المرايات
ف تسريحه وشها المتبعتره
فوق خد احلامها
وانا من زمان عنتره
بطول قدامها
وبسيب عيونها يلمحوا وشى
يتنفسوا دمى
يتلونوا بريحتي
واعلن بدايه رحلة الاحلام
واحلم لو اسرق م الزمن خطوه
علشان تلاقى ف وشي رسم الليل
مقتول قتيل والعشق لحظه ميل
وطبيب _عليل الحب _ مين يداويه
ااقرب ما ليه ف الدنيا ايه بأديه
والبنت فارده شعرها ع الليل
اكتب قصيدة ف حبها
من حبر نهر النيل
والنيل بياخد مبتداه م المدى
ومنتهاه منى
وانا ليل نهار وصداه بيشغلنى
صوتها وهبني نغمه للاوتار
وف كلمه كلمة يردني فيا
وف كل نغمه بيبتعرنى جوايا
احلم اللملم فرفطه روحى
القى لروحها ف كل حته مقام
واعيش عشانها ف الحياه درويش
وابقه مليش غير هى وسيرتها
اعمل براح القلب فرشتها
وافرد عليها السما
وبوسع غلاوتها
افتح عنيا ورحها سكنانى
وانا من جنانى افتح لنورها النور
واقفل عليها الليل ف احلامى






التوقيع

رد مع اقتباس
قديم 07-10-2010, 01:45 AM رقم المشاركة : 8
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي

الحلم ماسك ف الكفن




الحلم مخلوع م العيون
مرمى على قبر البلد
والخوف ولد
قدام عيونا بوابات
والقلب مات
مفروش على كل الطرق
وريحة طالعه م الشقوق
فايحة عفن
الحلم ماسك ف الكفن
رافض يضيع
خايف يموت
مقدرش يحيا ف السكوت
مقدرش يسكن ف التابوت
وروحه تايهه ف الفضا
باكيه على عمر انقضا
جوه البوم الضياع
ورا كل باب
اسرار كتير
وعيون بتحلم بالامان
مسجون يا طير
حلمك تطير
وترمى ع الفجر السلام
مكتوب عليك تفتح عنيك
متشوفش غير لون البارود
محروم كمان
تسمع ف يوم
غير صرخة مع صوت انفجار
ورا كل باب اشلاء صغار
كانوا ف يوم حلم البلد







التوقيع

رد مع اقتباس
قديم 07-10-2010, 01:46 AM رقم المشاركة : 9
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي

مشيتي وسبتي ......؟!




مشيتي وسبتي
عيون القصايد
وروحى اللى كانت تطبطب عليا
سحبتي ابتسامتك من فوق شفايفي
وكحلتى رمشي بغربة مدينتي
لمين النهاردة هيطلع له بكرة
ومين بعد منك هيفضل له ذكري
ومن اللى روحة هتفضلة فاكرة
وناسية كلامك
على وش مين الورود راح تفتح
ومين الاغانى علية راح تصبح
ومين البراءة ف وشة هتسرح
ويكون دليلي

وليه قايدة نار الهزيمة ف دمايا
وليه مش كفاية انى راضى بقليلي
اخترت اغرق ف بحر الخليلي
عشان منه شطك
وقبلت صوتك ابقي صداه
كفاية عليا انى اردد غناه
وكل اما تمشى ازاحم ف ضلك
عشان ابقي جنبك
ولما شفايفك قالتها لى كلمة
مكنتش مصدق
بان السعادة بتفتح لى بابها
وبتقولى ابدء
مشيتي وسيبتي
عيون القصايد تعزيني فيا
وتضحك عليا قصايد غبية







التوقيع

رد مع اقتباس
قديم 07-10-2010, 01:47 AM رقم المشاركة : 10
معلومات العضو
كبار الشخصيات

الصورة الرمزية راضيةالعرفاوي
إحصائية العضو







راضيةالعرفاوي is on a distinguished road

راضيةالعرفاوي غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر محمد الصاوي

وفكرانى

وفكرانى
زى ما كنتى فكرانى
وحاسة انى بعيش وعنيا رفضانى
وسمعانى
انا الانسان
انا الكلمة اللى كات حلوة ف اشعارك
انا اللى كنت يوم لحنك واوتارك
انا شعارك
وانا علمك
وانا قلمك
واحجارك
وانا اللى كنت طول الرحلة مشوارك
وانا بردك
وانا نارك
وانا الروح اللى جواكى
بدون اذنك بتختارك
وانا الصابر وانا الراضى
وانا اللى عمرى كان فاضى
حياه وعليا اقضيها
وكلمة رافضه معانيها
بلاد مش لاقية ارضيها
حروف مش لاقية اساميها
وليكي انتى اهى اختارت
انا وردة ودبلت جوه ف كتابك
ووقفت ياما على بابك
وكانت كل احبابك
نسيتها
وسبتى الروح تتوه فيها
واهى انهارت
واهى اختارت
بدل حضنك تابوت اعذار
ورافضة تقول بأن الحب مش ليها
نسيتي ولا فكرانى
انا العاشق وانا الفانى
وانا الحكمة اللى رميانى
ف دولاب حظك
وانا فقرك وانا عزك
وانا الغنوة اللى بتهزك
بصوت حباه
انا الصوت اللى باع صوته
وموت قابض تمن موته
فاكون مجنى واكون جانى
واكون شاهد واكون قاضى
بان الذنب مش فيكي
لكن دايما على المجهول
....
...






التوقيع

رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
الأعضاء الذين قرأو الموضوع :- 11
, , , , , , , ,
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر أحمد إبراهيم أحمد راضيةالعرفاوي دواوين شعراء العامية 87 01-09-2018 01:45 PM
ديوان الشاعر محمد البكري محمد البكري دواوين شعراء النثر 16 10-24-2011 02:59 PM
ديوان الشاعر أحمد موسى راضيةالعرفاوي دواوين شعراء العمودي و التفعيلي 10 07-10-2010 02:05 AM
ديوان الشاعر أحمد راضي راضيةالعرفاوي دواوين شعراء العامية 19 07-07-2010 11:15 PM
ابن القناديل الشاعر محمد الصاوي يمثل مصر في مهرجان الإخاء المصري السعودي د. جمال مرسي الضوء و شرفة شاعر و عرفنا بنفسك 19 03-19-2010 05:51 AM


Loading...


:: الإعلانات النصيه ::

روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه


Powered by vBulletin® Version 3.8.4
Copyright ©2000 - 2019, Jelsoft Enterprises Ltd.

Security by AOLO
vEhdaa4.0 by vAnDa ©2010