آخر 10 مشاركات
هل ..؟ (الكاتـب : - مشاركات : 4 - المشاهدات : 36 - الوقت: 10:39 AM - التاريخ: 10-16-2019)           »          رمية نرد (الكاتـب : - مشاركات : 6 - المشاهدات : 213 - الوقت: 10:37 AM - التاريخ: 10-16-2019)           »          دركات القلق (الكاتـب : - مشاركات : 0 - المشاهدات : 5 - الوقت: 10:34 AM - التاريخ: 10-16-2019)           »          ♧نمارقِ التّوْقِ..♧ (الكاتـب : - آخر مشاركة : - مشاركات : 3 - المشاهدات : 98 - الوقت: 08:11 AM - التاريخ: 10-16-2019)           »          نمارق التوق و زاوية رؤيا (الكاتـب : - مشاركات : 0 - المشاهدات : 11 - الوقت: 08:09 AM - التاريخ: 10-16-2019)           »          خربشات على الماء (الكاتـب : - مشاركات : 676 - المشاهدات : 45283 - الوقت: 08:04 PM - التاريخ: 10-15-2019)           »          نسور مصر :: شعر :: صبري الصبري (الكاتـب : - مشاركات : 0 - المشاهدات : 13 - الوقت: 03:37 PM - التاريخ: 10-15-2019)           »          أنا شامة جبين الحزن للشاعر ايمن عمر (الكاتـب : - مشاركات : 0 - المشاهدات : 21 - الوقت: 10:42 AM - التاريخ: 10-15-2019)           »          حذار ! الطاهرة حجازي (الكاتـب : - آخر مشاركة : - مشاركات : 2 - المشاهدات : 53 - الوقت: 05:14 AM - التاريخ: 10-15-2019)           »          الدار الصغيرة صفية أكطاي (الكاتـب : - آخر مشاركة : - مشاركات : 1 - المشاهدات : 38 - الوقت: 05:04 AM - التاريخ: 10-15-2019)




ديوان الشاعر د.جمال مرسي

دواوين شعراء العامية


إضافة رد
قديم 09-30-2011, 10:52 AM رقم المشاركة : 11
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

و ليه نحزن؟


شعر : د. جمال مرسي

و ليه نحزن ؟
ما دام نقدر نعيش الفرْح
و نشطب من معاجمنا معاني الجرح
و نمحي لون سواد غيّم على عنينا
بمحايه
عشان نقدر نشوف الشمس
نور الشمس
ننسى إيه يكون اليأس
و في ساعة صفا نرسم
في كراسة الحياه ورده
و ياسمينه
و شجرة توت و ضلايه
و عصفورة لصاحبتها
بتهمس همس .
***
فتحت اليوم شبابيكي على الدنيا
و كان الوقت وقت شروق .
لقيت الناس
كتير أجناس
برغم جراحها فرحانة
دا رايح شغله من بدري
و دا ماشي
و دا بيجري
و دي بتنادي يا أوطة و يا بطيخ
و دا رايح على غيطه و شايل فوق كتافه الفاس
و وسط المعمعه جاني
يا صاحبي صوت و كان مخنوق
ينادي يقول يا تسنيمي
عليا قومي سدي الباب و خليني
أعيش وحدي بأحزاني
دا انا اللي فيا يكفّيني
جاوبت الصوت
بقلب حنون ملاه الشوق
بلاش الحزن ليه نزعل
و ليه دايما نبص لتحت لو نقدر نبص لفوق .
***
و ليه نحزن
مادام نقدر نشوف أحلامنا في مرايه
و نلقى اصحابنا حوالينا
في وقت الشدة يحمونا
و ايدهم لينا ممدوده
تعدي بينا سكتنا اللي مسدوده
و ليه دايما نبص لنص كوبايه إذا فاضي
مادام نقدر نبص لنصها المليان
دي هي الدنيا يا صاحبي كدا حالها
تبات مهموم تقوم فرحان
و عجلة يومها ما وقفت عن الدوران






التوقيع

رد مع اقتباس
قديم 09-30-2011, 10:52 AM رقم المشاركة : 12
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

الله عليكِ يا مصر

شعر : د. جمال مرسي

الله عليكِ يا مصر
و الكل بيحبك
و الكل يا أمنا
شايلاه هنا ف. قلبك
و الكل مهما بعد أو حتى يتغرب
لازم يجيلو اليوم
يقعد هنا جنبك
***
في ظل شجرة توت
أو حضن جميزه
كان المزاج مبسوط
من طنطا للجيزه
نقعد كدا شله
نحكي نوادرنا
و تسيل دموع العين
م. الفرحه و اللمه
نفتح قلوبنا لمين
غير ليكي يا طاهره
تاخدينا بالأحضان
و ننام كدا ف. حضنك
***
يا مصر عمرك يوم
ما كنتي يوم قاسية
اصلك رضعتي النيل
و على الضفاف راسيه
نخله و هرم و بيوت
يتحدوا نصل الموت
أما العدو الغدار
ينهار أمام شعبك
***
يا غاليه يا طاهره
عايشين بأنفاسك
عايشين هناك بره
حاسّين بإحساسك
و نقول بعلو الصوت
و الفخر مصريين
كاسبين جمال الروح
و الخفه من طبعك
و اللي شرب م. النيل
لازم هيرجعلك






التوقيع

رد مع اقتباس
قديم 09-30-2011, 10:55 AM رقم المشاركة : 13
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

عيون حبيبتي



و سألت نفسي
لما شوفت عيون حبيبتي
شمس ساطعه ف. السما و منوره :
دي عيون غزاله يا ترى،
متكحله من كحل واحه معطره ؟
و لاّ القمر لما غفا بعد السهر
قام انبهر
فدّاها حتة سكره ؟
ردّت عيونها المليانين بالسحر :
مالك ؟
إيه جرى ؟
قلتلها دايب في العيون النعسانين
يا حلم زارني في الكرى
رمشك و لا سعف النخيل
و سواد عيونك زي ليل
شايلاه مراكب وسط نيل
قربت منها و خطوتي متبعتره
عطشان و كان نفسي ارتوي
من نبع واحه مزهّره .
ضنّت عيونها بالدوا
و سْهام رموشها اتسددت
في القلب ، طَبّ و ما دَرى
فرجعت عطشان و الغدير مليان
و عيشتي ممرّره
و إيديا ، إيد قدام بتمشي و إيد ورا.







التوقيع

رد مع اقتباس
قديم 09-30-2011, 10:56 AM رقم المشاركة : 14
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

اختيار



اتنين هناك واقفين
و الإختيار ليكِ
واحد بحجم الكون
حبه مغطيكِ
و من عيون الناس ، عينه بتحميكِ
و لو ف. يوم خطوتك تاهت بيهديكِ
لو كنتِ نيل فرحته
تلاقيه يدوب فيكِ
و ان شوفتي لون لهفته
حمره بلون خدك
أو شوفتي ليل غربته
أسود بلون بعدك
و البحر من دمعته
طاله مرار صدك
يا منوره سكته
ليه الاختيار هدّك ؟
***
و التاني باع ما اشترى
هاجر و ساليكِ
و ف. يوم ما دمعك جرى
ساب الدموع ليكِ
ماضي و راح ف. الثرى
و ازاي هيرضيكِ
***
محتاره بين لاتنين
و عنيكي رايحالهم
يا حلوة الحلوين بصراحه نيّالهم
أصل العينين بحرين
بتشد ف. حبالهم
و الرمش كان شطين
يا مين يوصّلهم
و القلب غيط أخضر
مزروع بياسمينكْ
و العقل كون أكبر
من كل حاسدينكْ
خلي القلوب تختار
و انسى اختيار العين
دا القلب ساع واحد
و لا عمره ساع اتنين .







التوقيع

رد مع اقتباس
قديم 09-30-2011, 11:45 AM رقم المشاركة : 15
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

الناس ... يا خسارة



الناس يا ميت خسارة
ليه بس اتغيرت
طبعاً ما عادتش هيه
و قلوبها اتحجرت
و لا عاد شبابنا عتره
أو بيفكر في بكره
كل اللي همه نفسه
و لا خايف ع. البلد
***
اليوم دا ماتش كوره
و الدش و الموبايل
عربيه موديل سنتها
بيها بيعمل عمايل
اليوم مع سوسو هانم
و بكره زيزي سالم
و اللبس من فرنسا
مجنون و جاتله هوسه
طب ليه يكون ساعتها قلبه على البلد
***
و بنات آخر مياعه
عايشين العمر ساعه
مكياج و جينز ولعه
و المشيه بالرقاعه
لمَّه الشبان وراها
في صبحها و مساها
و الليلة أحلى سهرة
و بكره .. ؟
خلّي بكره
طب و ايه يعني اللي يجرى
لو تسحب ميت ولد
و تولع البلد .
***
الكل .. يا ميت خساره
فاكر التهليب شطارة
يسرق من خير بلدنا
يبنيله كام عماره
و لا حد عاد يفكر
لو يصبح أو يمسّي
غير كلمة يللا نفسي
و تولع البلد
***
شوفتو القطط السمان
بيقولوا كات زمان
يا عم زمان دا ولى
احنا ولاد انهارده
ماليين الدنيا سرقه
و فلوس ف. بنوك سويسرا
و جواز سفر مزور
و ف. لحظه يبقى برا
و تولع البلد
***
و البيه مدير في شركة
فاكر ورثها تركه
لو جات له ميت مناقصة
بالنص قسمها شركه
و موظفينه زيه
فاتحين درج المكاتب
حط البريزه يللا هتكون حبيب و صاحب
مصلحتك تنقضي
و ورقك يتمضي
و ان شالله الدنيا تخرب
و تولع البلد
***
و سعادته كان بيهبر
كلمته بالهدوء .
يا عم خاف دا ربك
ما يحب أي سوء
دا انت سعادة العميد
خليك معانا نبني و نعمر من جديد
رد بسلامته قال لي :
و منين نجيب حديد ؟؟
ما هو عزو الله يعزو
حط البلد في ايدو
و ليه ما كونش زيه
و انا مالي بالبلد
***
الناس الطيبين
راحوا فين يا معلمين
جاوبوني لو حداكم
جواب يشفي الأنين
أنا بس عاوز أسال
فين بيروح الضمير
و الخوف من رب واحد
يوم العرض الكبير
فين الأمانة راحت
طب فين انسان زمان
بتقولوا كان زمان ؟
طب ليه ما يعودش تاني
و نفكر من جديد
نبني انسان جديد
و نحط ايد في ايد
نبني بلادنا الجميلة ...
و نعمر البلد .







التوقيع

رد مع اقتباس
قديم 09-30-2011, 11:45 AM رقم المشاركة : 16
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

حبيبة قلبي




حبيبة قلبي من جوه
و نور عيني اللي شايف بيه
برغم البعد يا غاليه :
بشوفك كل يوم جنبي
و اشوف صورتك
على موجه شايلها النيل
بيهديها
لقلبي
فاقوم أبوس فيها
و جوه القلب اخبيها
من الحاسدين .
بشوفك في جمال الصبح لو يضحك
و اشوف وشك
في عتمة ليل كما البدر اللي ساكن فوق
يرش النور عشان أمشي
و اشوف رمشك
بيتمايل على رمشي
و انا الغرقان
و حضنك شطي و المرسى
أمد ايديا في التوهه
ألاقيكِ
فأرسم فرحتي فيكِ
و أبدأ خطوتي بيكِ
بحبك .. كوني فاكراها و لا تنسي
مهو انت صحبتي و أهلي
و صوتك لو اخدني البحر ينده لي
أقوم راجع و فاردلك جناح الشوق
نطير بالحب فوق الفوق
نشوف الأرض تحتينا كنقطه ف. بحر
نقوم نسهر لحد الفجر
و ننسى العمر
ننسى الناس و ظلم الناس وطعم المر
و أقطف م. السما نجمه
وأعمل منها تاج يلمع على راسك
فما تخافيش
إذا منعوك حراسك
و خليني
أسطر لك قصيدة شعر من قلبي
في كراسك
و ابوس راسك
و أقولك تفضلي عاليه
يا أجمل حب يا غاليه







التوقيع

رد مع اقتباس
قديم 09-30-2011, 11:46 AM رقم المشاركة : 17
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

سكة واحدة



دنيا غريبة
دنيا تمللي بتضحك لينا
و بتغرينا
و بفساتين حلوه بتلبسها بتعرينا
***
ما يغركش جمال شفايفها
ولا سحر الورد على خدودها
و لا شمس بترسم ضحكتها فوق اسنانها
فوق شفايفها النار بتلهلب
و على الخد سلوك بتكهرب
و سنانها البيضا البراقه
بتنهش فينا
***
يللا يا صاحبي نحاذر منها
و اوعك يوم تغريك مفاتنها
قدامك فيه أوسع سكه
مش محتاجه لدوشه و دبكه
سكة ربك قوم و امشيها
و ساعتها هتنجح خطاوينا
لما نكون للحق سعينا







التوقيع

رد مع اقتباس
قديم 08-04-2013, 02:12 PM رقم المشاركة : 18
معلومات العضو
شجرة الدر ( المدير العام )

الصورة الرمزية أحلام المصري
إحصائية العضو







أحلام المصري is on a distinguished road

أحلام المصري غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

الكفن

شعر : د. جمال مرسي





ليه تشيل يا ابني الكفن ْ ؟
و انت لساك برعم اخضرْ
لسه ما اتفتَّحشْ فوق غصن الزمنْ ؟
لسه زهره منوره ف. جنينة العمر الطويلْ
اللي ربك كاتبه ليكْ .
قبل يا ابني ما تتولد.
قبل رجليك الطريه الطاهره ما تدبّ
فوق أرض البلد ؟
ليه تبيع نفسك رخيصه
لناس ما تعرفش الوطن ؟
و لاّ ايه معنى الوطن ؟
ليه تبيعها للعصابه
اللي واخدينك في رابعه
انت و الناس الغلابه
لجل ما تكونوا الرهاينْ و الدروع ؟
لجل وقت الجد لو جالهم طوفان
و انتزع من طين بلادي
اللي دمّر و اللي خان
دمك أنت يكون تمن .
و انت هتكون الضحيه و اللي زيك
ميت خساره
هُنت يا ابني ازاي على امك ؟
ليه تسيبك و انت حبّةْ قلبها
يتصفّى دمّك ؟
ميت خسارة عليك .. تموت
لجل ما المرشد يعيش
كرهوك ازاي في جيشك .. أحلى جيش ؟
و انت لسه يا دوب بتتهجى الأَلِفْ
لسه ما فتحتش كتاب مصر الحضاره
و التاريخ
مصر بنت النيل بإسلامها الحنيف
اللي م. الإرهاب نضيف .
فهموك ازاي بإنك لو تموت تبقى الشهيد
و اللي بره رابعه يا ابني
دول عبيد .
فهموك ازاي و نسيو
إنهم بؤرة عفن .
علموك و لا مرة قالوا :
الشهادة عمرها أبدا ما كانت
لو قتل مسلم أخوه .
هددوا الشعب اللي ثار على ظلمهم
ــــ يا ابني ــــ سنه .
يقتلوا المقتول و بعده ،
يبدأوا في المسكنه
و أنت يا ابني برعم أخضر
دخلوك في الأخونه
شيلوك فوق إيدك الناعمة الكفن .
ضحوا بيك قبل الأوان
قبل ما ينبّتْ في جسمك
يا يمامةْ الحلم ريش .
قول لهم
و اصرخ بصوت عالي ف. وجوههم كلهم:
( أنا نفسي أعيش )
نفسي اعيش
لجل ما يعيش الوطن .










رد مع اقتباس
قديم 08-04-2013, 02:13 PM رقم المشاركة : 19
معلومات العضو
شجرة الدر ( المدير العام )

الصورة الرمزية أحلام المصري
إحصائية العضو







أحلام المصري is on a distinguished road

أحلام المصري غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

لقيت نفسي

شعر : د. جمال مرسي

و بعد ما كنت انا تايه
ماليش سكه توديني لبر أمان .
و وطني الحر كان ضايع
ما لوش عنوان
هواه مخنوق
و نيله في الحارات مزنوق
و بعد ما عشت في الضلمه
سنه كامله
أشوف أكاذيب و شلة اتحكّمت باطله
لقيت روحي
لقيت نفسي ف. عنيكي انتِ
لقيت قلبك جناح بيضمني لوحدي
و ينده لي
يقول لي تعالى و اتخبى هنا عندي
ساعتها رميت بتقل الراس على حجرك
بكيت و اديكي بتطبطب على كتفي
و غرّقت الهموم يا عمري
في بحرك .
و بوستيني على خدي
و شبكتي ..
إيديكي الناعمة في إيدي
و خدتيني لطريق تاني
ملان بالورد و الأحلام
لقيت روحي أنا و انتِ
بنمشي دربنا لقدام
نسيت كل اللي توهني خلال العام .










رد مع اقتباس
قديم 08-04-2013, 02:14 PM رقم المشاركة : 20
معلومات العضو
شجرة الدر ( المدير العام )

الصورة الرمزية أحلام المصري
إحصائية العضو







أحلام المصري is on a distinguished road

أحلام المصري غير متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

رايح جاي

شعر : د. جمال مرسي


.. و قالوا افرح في يوم عيدَكْ
فقلت ازاي ؟!
و قطر الموت على شريط البلد رايح
يوماتي و جاي .
من التحرير لحد طماي .
و قالوا تقيد عشان عيد الميلاد شمعة
فقلت ازاي
و ست الحسن خلوها حريق في حريق
و سدوا ف. وشها طاقه على الشمس اللي بتهدهد
خطى التايهين ف. كل طريق
و ليه يا طريق :
تخلي النيل يدوق الويل
فلا لقمة تسد الجوعْ ، و لا قطره تبل الريق
غريب إني أشوف النيل
في أرضه غريق
مفيش إنقاذ من " الإنقاذ "
و لا تأييد .
و لا "الأخوان" يمدوا الإيد
و دايره كل يوم بتضيق .
و ست الحسن تعبانه بتصرخ آآآآي
كأن مفيش ودان تسمع
و جرح الأهل في ضلوعها آهات تلسع
و لا نافع طبيب و لا طب كان ينفع
سابوها لوحدها تبكي و تتوجع
و كل دا ليه ؟!
عشان كرسي ؟!
مِتين اسفوخس ع. الكرسي
و ع. اللي جابوه
و ع. اللي عليه بيتصارعوا تقولش ديوك
و ع. اللي بيقبل انه يكون ف. يوم مملوك
و ع. اللي بيهبش التورته
لوحده و الأنا عالية بيعزفها
نشيد ع. الناي .
و قالوا اكتب ف. ليلة العيد أحاسيسك
و عبي من بحور شعرك
كراريسك
فقلت ازاي ؟
قولولي ازاي راح اكتب شعر ف. عيونها
و اقول مواويل ؟!
و قلبي ما عادش فيه مطرح لغير النيل
عليه فكري يبات مشغول
عليه بيخاف من المجهول
و من بكره اللي مش عارف مخبي إيه
هيفضل زي ما عرفناه أصيل و جميل ؟
و فارد في البلاد خيره
يا ناس ولاّ هيبقى بخيل ؟
و يتغير كما ولاده
من المر اللي داق منهم ؟
في صبح و ليل .
و قالوا افرح
فقلت ما عادش للفرحه في قلبي مكان
عشان قطر الفرح عدّا بقالو زمان
و قطر الحزن ع. القضبان
بيتمخطر على جراحنا ، و رايح جاي







رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
الأعضاء الذين قرأو الموضوع :- 15
, , , , , , , , , , , ,
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر د.جمال مرسي راضيةالعرفاوي دواوين شعراء العمودي و التفعيلي 218 08-14-2019 03:40 PM
جمال الوفاء ( مهداة لأستاذي الشاعر الكبير الدكتور جمال مرسي ) محمد سمير السحار قناديل الشعر العمودي و التفعيلي 8 10-14-2014 12:00 AM
ثمة قناديل../ نبضي..إلى الشاعر كمال أبو سلمى و الشاعر د جمال مرسي/ حصريا هنا.. سعاد ميلي قناديل قصيدة النثر 22 08-05-2011 07:56 PM
ديوان الشاعر د.جمال مرسي راضيةالعرفاوي دواوين شعراء النثر 8 06-25-2011 07:34 AM
ثمة قناديل../ نبضي..إلى الشاعر كمال أبو سلمى و الشاعر د جمال مرسي/ حصريا هنا.. سعاد ميلي مهرجان القناديل 16 08-11-2009 02:34 PM


Loading...


:: الإعلانات النصيه ::

روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه


Powered by vBulletin® Version 3.8.4
Copyright ©2000 - 2019, Jelsoft Enterprises Ltd.

Security by AOLO
vEhdaa4.0 by vAnDa ©2010