آخر 10 مشاركات
خربشات على الماء (الكاتـب : - مشاركات : 598 - المشاهدات : 36452 - الوقت: 10:24 PM - التاريخ: 07-15-2019)           »          لا تنتظر (الكاتـب : - آخر مشاركة : - مشاركات : 3 - المشاهدات : 113 - الوقت: 09:31 PM - التاريخ: 07-15-2019)           »          حُـجَـتُـهُ / م . ق . ج (الكاتـب : - آخر مشاركة : - مشاركات : 5 - المشاهدات : 253 - الوقت: 09:21 PM - التاريخ: 07-15-2019)           »          فاسـتَبْصِروا (الكاتـب : - مشاركات : 5 - المشاهدات : 117 - الوقت: 09:21 PM - التاريخ: 07-15-2019)           »          هجاء (الكاتـب : - آخر مشاركة : - مشاركات : 9 - المشاهدات : 158 - الوقت: 02:24 PM - التاريخ: 07-15-2019)           »          ما قلّ ودلّ (الكاتـب : - مشاركات : 8 - المشاهدات : 327 - الوقت: 12:04 AM - التاريخ: 07-15-2019)           »          هذيان الشتاء (الكاتـب : - آخر مشاركة : - مشاركات : 3789 - المشاهدات : 184779 - الوقت: 09:58 PM - التاريخ: 07-14-2019)           »          ** رسالة إلى أبي ** د / طارق عتريس أبو حطب (الكاتـب : - آخر مشاركة : - مشاركات : 3 - المشاهدات : 152 - الوقت: 09:56 PM - التاريخ: 07-14-2019)           »          ...ويحدث احيانا فقط... (الكاتـب : - مشاركات : 13 - المشاهدات : 856 - الوقت: 09:38 PM - التاريخ: 07-14-2019)           »          حصـاد الريق (الكاتـب : - مشاركات : 39 - المشاهدات : 1640 - الوقت: 08:43 PM - التاريخ: 07-14-2019)




من أشعار ديوان الشاعر محمدأسامة

دواوين شعراء العامية


إضافة رد
قديم 11-11-2010, 04:10 AM رقم المشاركة : 1
معلومات العضو
شاعر

الصورة الرمزية محمدأسامة
إحصائية العضو







محمدأسامة is on a distinguished road

محمدأسامة غير متواجد حالياً

 


المنتدى : دواوين شعراء العامية
افتراضي من أشعار ديوان الشاعر محمدأسامة

تحيتى لكل من يمر من هنا ليطالع أشعارى
وأتمنى للجميع قراءة ممتعة

مع خالص تحياتى للجميع

قصيدة
فوت على يافا
على هذا الرابط
http://www.kanadeelfkr.com/vb/showthread.php?t=1230
ماتقليش
على هذا الرابط
http://www.kanadeelfkr.com/vb/showthread.php?t=1490
عناقيد لانتظار
على الرابط التالى
http://www.kanadeelfkr.com/vb/showthread.php?t=1034
تحت رجلين أبو الهول
على الرابط التالى
http://www.kanadeelfkr.com/vb/showthread.php?t=538
خطوط
على الرابط التالى
http://www.kanadeelfkr.com/vb/showthread.php?t=815
ومن أشعارى
أتوه فى النول
أبويا من الأبطال
على الرابط التالى
http://www.kanadeelfkr.com/vb/showthread.php?t=197


غنائية مصرية بعنوان
ماأخطرك
على الرابط التالى
http://www.kanadeelfkr.com/vb/showth...377#post234377

ولى عودة لأقدم باقى الروابط بمشيئة الله تعالى






التوقيع

آخر تعديل محمدأسامة يوم 11-12-2010 في 09:53 AM.
رد مع اقتباس
قديم 12-25-2011, 08:10 AM رقم المشاركة : 2
معلومات العضو
شاعر

الصورة الرمزية محمدأسامة
إحصائية العضو







محمدأسامة is on a distinguished road

محمدأسامة غير متواجد حالياً

 


كاتب الموضوع : محمدأسامة المنتدى : دواوين شعراء العامية
افتراضي رد: من أشعار ديوان الشاعر محمدأسامة

فى حضرة الثورة


فى حضرة الثورة
قلبك يامصرى أنصهر
و قلبك ياضلمة أنقهر
على إيد شباب النور
وعلى قلبك البنور حط الحمام لابيض
اتعلق فى توب جلابيتك طفل صغير
عايز يملس على جناح الحمام
قومى دوقيه طعم الآمان
زفيه بالصبايا الحور
المؤمنين بالوطن
فى حضرة الثورة


فى حضرة الثورة
حسيت بك يامصر أكتر
وأنت بتعدى بوقت أخطر
الحرية بجد جايه تتمخطر
لابسه توب شعب مصر
من طل العشش والحوارى
من كل عمارة من كل قصر
من حناجر الهوانم والجوارى
م الفقرا والمحرومين ..
من كل ناسك المقهورين
سمعت عن شبابك الهمام
وفى الميدان شفتهم
فى حضرة الثورة


فى حضرة الثورة
مافرقش مين عن مين
اللى بيوحد واللى بيتلت
كلنا للأرض دى ساجدين
وحدنا بربنا والوطن كان دين
فى حضرة الثورة


فى حضرة الثورة
واحنا كلنا معاندين
أوعاك تكفر بالوطن ولا بالبنى آدمين
حضن الوطن للى آمنـــوا
مش للى يستعبدوا البنى آدمين
أنا أستمديت حريتى
من حضرة الثورة


فى حضرة الثورة
سقط النظام سقط الرئيس
ولسه هنفتح على أخره الهويس
لحد مانطهر بحرنا ونزيح من على قلوبنا العكاره
كل الشطوط قصادنا ونور الفنارة
بس أحنا نطهر قلوبنا ونخلص فى الطهارة


فى حضرة الثورة
شقت الأرض روحها وطلعت الناس..
تاخدهم بالحضن
وناس جنب ناس صبحت ملايين كتيرة
شب الشباب وأهتم بالجموع الغفيرة
ونا م اللى شفته فى التحرير.. مابقيتش فى حيرة
من 25 يناير لحد ماوصلت للجمعة الأخيرة
وروح الشهدا رفرفت فى مواكب ملايكة
باركت ثورتنا المُعجزة .. المُنجزة
فى حضرة الثورة

فى حضرة الثورة
الناس خدتها جلالة الوطنية
الكلام بقى بالمفتشر
ماعادتش حاجة متغطية
ياترى الشعب فجر ؟ .. ولا
دى جموع متحدية ؟
وتستاهل تنعم بحرية
فى حضرة الثورة

فى حضرة الثورة
عرفنا أن الوطن منهوب
واللى نهب كان فى النهب مغلول
ماكانش آدمى زى كل البنى آدم .. دا كان غول
ياريتك ياعدل تجيب العوج معدول
ماكانتش مصرى هاتتعدى الأصول
ويتلايم ع الغلة والمحصول
ولا وقفنا فى وش الظلم والظالم
فى حضرة الثورة

في حضرة الثورة
أفتكرت لإنقلاب على الملك
والضباط اللي قالوا معادش ملك
وراح الملك .. مبقاش فيه ملك
بأت جمهورية في أيد العسكر
وقبل ما يخونونا .. خانوا بعض
أفتكروا مصر تورتة وقسموها على بعض
ما خدناش حقنا م الأشتراكية
مشينا بالشعارات .. وهما قاعدوا ع التكية
في حضرة الثورة

فى حضرة الثورة
الشرطة ماقدرتش ع الطوفان
خرجوا بصدور تقابل الرصاص
وأرواحهم بتقابل الموت
خارج من حناجرها كلام لمصر
وبنفس الحماس وأملنا فى التغيير
أديت التحية ياشعب مصر
وتعظيم سلام لحضرة الثورة

وفى حضرة الثورة
نَفَسّك لابد و إنه يبقى طويل
وياخد ويدى بالك فى الئال والإيل
ومانفرحش بتورتة سقوط النظام
لأن ريحة فلوله لساها قاعدة ع المكاتب
ومدفوسة جوة المراتب عايزة تخطف حلمنا .. وأمننا
وزى مابعدوا الحقايق عننا .. غفلونا وأتغفلنا غصب ن عننا
ومين مننا ماخدش نصيبه م التوهه
ومين مننا ماعدش الساعات للفرج
ومين مننا ضمن رجوعه لو خرج
على رأى عم أحمد فؤاد نجم
لما كانت ساحات الجامعة تتجمع على عودك ياشيخ إمام
وقبل ماتوصل لـ حوش عيسى كل الشباب يتلم
والدم يجرى فى العروق ع الشباب اللى شال الهم
وحس طعم الوطن رغم المرار والذل
لحد ماقال كلمته ويّ كل شبابك يامصر
فى حضرة الثورة

فى حضرة الثورة
كنا نفهم بعض فى اللحظة
بدون كلام ولا مشـــــــاوره
أتلمت الأبدان دروع
فى وش خراطيم الميه والرصاص
ووابل قنابل مُسيل للدموع
كانت على آخرها الحناجر ..
تصد مكر النظام وكتر المناورة
حسـبوها احتجاج ومعارضة بتعاندهم
حسبوها مظاهرات والأمن هـ يفضها
حســـــــــبوا إن ليهم حد هايســـاندهم
لما كانوا مطمئنين والبـــــلد فى إيدهم
حسبوها ويحســــبوها زى مايحلا لهم
أنتفاضتنا فى ربــــــوعك يامصر ثورة
وحالفين لتكمل الدورة
فى حضرة الثورة

فى حضرة الثورة
بعد الشهور من وقتنا المعلوم
بانت الأجواء ملبده بالغيوم
ومحدش عايز يعرف ولا شئ بيدوم
الوعود بتطول وتنفيذها معدوم
وقال مجلس وحكومة أنتقالية .. ياعيب الشوم
أهو الشعب قام وهيفضل يقوم
لحد مايلقى شئ واحد مفهوم
نبعد عن نظرية حاكم ومحكوم
ونطبق نظرية 25 يناير
الشعب يريد .. وما أدراك مايريد
فى حضرة الثورة

الشاعر
محمدأسامة البهائى







التوقيع

رد مع اقتباس
قديم 12-25-2011, 08:13 AM رقم المشاركة : 3
معلومات العضو
شاعر

الصورة الرمزية محمدأسامة
إحصائية العضو







محمدأسامة is on a distinguished road

محمدأسامة غير متواجد حالياً

 


كاتب الموضوع : محمدأسامة المنتدى : دواوين شعراء العامية
افتراضي رد: من أشعار ديوان الشاعر محمدأسامة

هاروح للريس
*****
حاسس بالبرد يــا أما
وبلاد التلج دفـــا
راجع لحضنك بعد غربه
زاد الـ رجوع غربه .. وجفا
وحاسس بشئ جــوانا اختفى
دا الغرب واعر ياأمه
والشرق
ماعادلوش نفس الصفا
***
ياريتك ماكبرت ياولدى ولا وعييت
كان فاتك على دراعى أداديك الننه
وكات أمك عليك مطمـئنه
يبقى اللي عند غيرنا عندنا
وبلادنا يــاولدى تلمنـا
ولاحدش يغيير طبعنا
***
يــاولدى
رايح فين والساعه مأخره
رايح فين والمدينه مسكره
مفيهاش غير بالاوى معسكره
ولا صريخ بن يومين... شوارعها
اللى كات مزنهره
قعدت ترجع وترجع وترجع
لحد ما بقيت ورا
والليل عليك عصي والمقدرة
والمخبرين لازقه بغرة
لو مسـكوك فى إنصاص الليالي
هايفتشـوك وهايقلبـوك
وهاياخدوك بيـعه و شيرا
ولامين شـاف ولامين درا
المخبر من دوول بيعلفـوه إفترا
وزى صيـاد الجوابى يصيـد
اللي عضمُُُُُُُُُُُُُُُُُُُُه ناشف على ِِِِِِِِِِِِِِِطرا
ـ مرة أبوك شـافهم لف وجرا
لاهوا .. راح ع الحج ، ولا أنا.. حجيت
وع اللى جرا لى وأنا في البيت
ماسـيبش كوم اللحم ويقولوا هجييت
روحنا أنكسرت عليكو ..
ويصح مادمت نويت .. ونويت
لحد ماقلينا الحاكوووومة
زى عسكر الحرب ، ولا ، سطوة لانجليز
داخلين خارجين طالعين نازلين
أيشى مباحث للأموال
ومباحث للأهوال
ومجسـات على شـم كلاب
الغرض .، مات أبوك م الأهمال
وكيف أعدل اللى اتعوج بعد مامال
حسـرة أبوك زى خيبه لاحمال
ماتزيـدش ع الأنجال
كبـرت ياولدى خلاص واتحسـبت رجال
والرجــــــال
واخديـن م الصبر شــيمه
وعـمر مـا هـا يبـقالنـا قيمـه
إلا بـصحيــح لافعــال
وربـك خـالقنـا ياولدى فى دنيا كريمـه
بينعـم ، ويرزق . ومواهبــه عظيـمه
ســتار يــاولدى
بـس تفـهـم الفهيــمه.
*****
رايح فين ياولدى والمخروبه مسكره
ولسه بدرى على مانرجع تانى من ورا
الصبح ياولدى هـاروح للريس
لساه كبـيرنا ومفكر إنه كويس
بدي الصـالح م الطـالح يفهـم ويمييز
هاسـتناه م الفجريه تحت البيت
عشـان رجالته تمييز ظيط من عيط
وأقوله بالمرة ع المخبرين ونطاط الحيط
وخيال المآته اللي باع الغيط ... لمعيط
ودمع العين اللي شيلت وحطيط
بعت عمري عليكو ياولدي و شقيت
ماحلتيش غيرك
لا عِنا أبعدية ولا أرض بالفدان
هملني ياِولد وطالع علينا نهار
ليه تزيد علي هم القلب نار
حد يقول للنخل ليه يانخل عليت ؟
ولا يقولو للواطي ليه ياواطي وطيت؟
أنا هاسـتناه م الفجريه تحت البيت
وشـيلاه شـيلاه ياأهل البيت
يجى لمعاد وألقانى صحيّت
*******
الشاعر
محمدأسامة البهائى







التوقيع

رد مع اقتباس
قديم 12-25-2011, 08:16 AM رقم المشاركة : 4
معلومات العضو
شاعر

الصورة الرمزية محمدأسامة
إحصائية العضو







محمدأسامة is on a distinguished road

محمدأسامة غير متواجد حالياً

 


كاتب الموضوع : محمدأسامة المنتدى : دواوين شعراء العامية
افتراضي رد: من أشعار ديوان الشاعر محمدأسامة

فوت علي يافــا


ــــــــــــــ
وأنا فايت بشـوارعك يا فلسطين
بكايا مالي القلب
والأنين ف العين
ها فوت قلبي ليافا
ولا ف عكا وف حطين؟
الناس مغلوبة هنا علي غالبين
طلعت ع الناصرة
وأنا فايت أنيني في حيفا
قابلت الوشوش اللي تِفِرّق بيها السنين
ملامحها بسمارها الخمري والإيدين
لساها عافئه ع الأرض موت ومش نادمين
آغير علي روحي
ولا أتمني يجي لي الموت
الخبز يابس ويا نيّ الزعتر
عشـا وفطور
وف مغارب الضلمة
تِعمّر قلوب العرب نور
ومنين ماتلمح
تلقي الخضار مالي الربوع
واقف مستني ع السكك
بانتظارنا للرجوع
وطابور دوريات اليهود
ملاحق نسيم الهوي
نشم ريحتك ياوطن
رغم البارود والحصار
وجدار الفصل
مايحوشش شوقنا وزحفنا
الصبر اللي بات يتعلم الصبر من شعبنا
خمسين سنه وعماله تزيد السنين الدموع
وكل شبر داق طعم المطر
حاضن سيل الدم الذكي
خادوني الرفاقه علي يافا
وأنا اللي غرقان في الوشوش
الموت بيطلع من الأرض والناس متمسكة
الخطر ملاحق في الصغار وبرضو ما أستسلموش
سألت إيه البلد دي
قالوا بفخرهم : أبو غوش
فقت علي طراطيش الكلام حمص رنت في وداني
قلت أنا أسف ماسمعتش من تاني
قالوا لي يازلمة أبوغوش بلد الحمص
قلت لهم خلصوني أنا في عرض المسلمين والنصاري
قالوا لي يامصري من وين ماتيجي لنا البشارة
والعرب كيفك ومش صابرين
القدس للي جاهد وللصابرين
فوت علي يافا لأبو العافيه
بيراسل في أمم مش سامعين

بالعامية مصرية
الشاعر
محمدأسامةالبهائي







التوقيع

رد مع اقتباس
قديم 12-25-2011, 08:17 AM رقم المشاركة : 5
معلومات العضو
شاعر

الصورة الرمزية محمدأسامة
إحصائية العضو







محمدأسامة is on a distinguished road

محمدأسامة غير متواجد حالياً

 


كاتب الموضوع : محمدأسامة المنتدى : دواوين شعراء العامية
افتراضي رد: من أشعار ديوان الشاعر محمدأسامة

شلال دم نازف م الوليد
بيجرى ع القبله
يلحق صلاة السما ع الشهيد
والغدر وابل رصاصه العنيد
بيواجه احجار ونبله
ولسه التراب بينز بالترتيل
وغاويه العيون تعما
تلم فيا الملايكه لعنان السما
أوصل بالجروح جراح
مش متلايم ع الصباح ...
ولا الجروح ملتئمه
ماعدش فاضل رصاص
ولا في النفوس إخلاص
وولادك ياوطن...
من بعض منتقمة
لعبة الكراسي والأموال
نصبت في غزة المدابح
وجرح القضية ع الوطن نائح
هوا الوطن لما فكر يضيع مننا
خان ليه الرجال من غير علمنا
خانتنا ليه الخيانه وضيعتنا
برخص التراب باعتنا
ياعلل علتنا .. من كتر فرقتنا
الأرض سايعه الهموم
واللي ضاع بيتنا
أصلى بجوارحي وبركوعنا
لعل دعانا للسما يخِلص
يغسل وش الأرض يطهرها
يغسلنا بكانا و كدبنا المفضوح
ياأمة نامت على دمنا المسفوح
شاقق روحي للسما وجروحي
من مواجع كون بحاله بح نوحي
بتلم فيا الملايكه لعنان السما
أواصل صلاتي للشهيد
طريح الجُبن والترويع
معراج الروح طوافه
ع اللي خانوه بالتطبيع
والقضية يافلسطين بتضيع
وصوت تراتيل اللقا
فايت ع البيوت بالعزي
تنطلق فى الفضا
أجراسك ياوطن بالأسى
وكراساتك يامحمد
لساها بلاها الحروف
حرف واقف يرسمك
بشكلك المألوف
وحرف فاتح قلبك الصغير لناس حبوك
عودك النحيل
لساه متكوم فى صدر أبوك
ماضاقش اتساعه
م الخوف عليك ياحيلة أبوك
البنادق .. طايشة
ورصاصاتها بيضربوك
لاحال ضعفك غدرهم
ولا عودك النحيف
المدنه مايله
وأنت راقد ع الرصيف
لجل ماتاخد بأيدك ... لباب الجنة , يامحمد .

الشاعر
محمدأسامة البهائى







التوقيع

رد مع اقتباس
قديم 12-25-2011, 08:19 AM رقم المشاركة : 6
معلومات العضو
شاعر

الصورة الرمزية محمدأسامة
إحصائية العضو







محمدأسامة is on a distinguished road

محمدأسامة غير متواجد حالياً

 


كاتب الموضوع : محمدأسامة المنتدى : دواوين شعراء العامية
افتراضي رد: من أشعار ديوان الشاعر محمدأسامة

المدد العربى
قولوا ليارا
قبل ماعينها ف غفلة تنام
قبل ماترمح ف الأحلام
مدد ناالعربى يا يارا كلام
المدد العربى ماجابش سلام
المدد العربى قالولنا تمام
لأنه عاوزنا يايارا ننام
وايه يمنعنا حبيبتى ننام
دا سلام الأمة لما تنام
وننام ، وننام ، وننام ، وننام
لحد مانصحى من الأوهام
*******
قالوا ليارا
قالوا( ليارا) ساعة الغارة
لما عنيها تشوف طيارة
بترمى قنابل فوق بيروت
مش هاتفرق بين الشعب
ولاهايفرق بيننا الموت
الدم النازف من أهالينا
هايحي الأرض إن مهما تموت
صوت كنايسنا رنينه حزين
وأدان جوامعنا ليوم الدين
لبنان أنتِ واحنا وهما
لبنان شعب عظيم الأمة
****
خليكى فاكره يوم اتناشر
والأشلاء لما بتتناثر
مااتلمتش بغدر الموت
دق ودك الغول بيروت
هد منازل هد بيوت
حرم النسمة تعدى تفوت
ناس ف ثواني خطفها الموت
يعنى قدرها ف غارة تموت
ويجى خبرها في ديل النشرة
ليه الأمة تتوه فى العسـرة
وكل الناس
مكتوفه بحسرة
(يارا) بتجرى يمين وشمال
من بربير لحد بعلبــك
شافت لون الدم السايل
سايح سايح على فستانها
مين هايسبل عين التانى
مين حيحوش الموت عن يارا
دهشة بدهشة بقينا حيارا
وين لبنان اللي بنعشقها
فين بيروتنا اللى بنهواها
لبنان القلب مش لبيوت
(السنيورة) قال نبنيها
وقال (نصرالله) بعلو الصوت
التوحيد ياولاد الأمة
التوحيد ياولاد (.........).

****
قالوا (ليارا) قبل الموت
لما ضفايرك تكبر حبه
افتكرى حبيبتى صوت الدانه
الأوطان مش بس محبه
الأوطان ياحبيـبتى أمانة
لون الدم المروى محبه
سال على دمى لأخر سجدة
وتاه المدد العربى النجدة
يا سكة لم الشمل العربى
الأيد مش واحدة
كلمتنا مش واحدة
واتعمل ولا ميت وحدة
قالوا ليارا قبل الموت
لما ضفايرك تكبر حبه
افتكرى حبيبتى صوت الدانه
وهوا بيحضن ورد خيالك
عايز يقتل حلم برئ
جسد الأمة ف دمه غريق
لو نتكاتف نلقى طريق
مهما هاتبلى الغمة الأمة
نبت المخلص مش بيموت
مهما يعدى عليه الوقت
مهما تشوف الأرض جفاف
عمر المؤمن مابيخاف
قالوا (ليارا) ساعة الغارة
لما عنيها تشوف طيارة
بترمى قنابل فوق بيروت
مش هاتفرق بين الشعب
ولاهايفرق بيننا الموت
*****
قولوا ليارا حقيقة عيبنا
سبنا حكامنا تتعبنا
يتلاعبوا بينا وتلاعبنا
قولوا ليارا
ولكل يارا من ولادنا الصغيرين
قبل ماعيننا ف غفلة تنام
قبل ماترمح ف الأحلام
المدد العربى يا يارا كلام
المدد العربى ماجابش سلام
المدد العربى قالولنا تمام
لأنه عاوزنا يايارا ننام
وايه يمنعنا حبيبتى ننام
دا سلام الأمة لما تنام
وننام ، وننام ، وننام ، وننام
لحد مانصحى من الأوهام
*************
الشاعر
محمدأسامةالبهائي
مصر







التوقيع

رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
الأعضاء الذين قرأو الموضوع :- 7
, , , , ,
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أشعار الشاعر الراحل / حلمي سالم السيد سالم قناديل الأعمال و الردود المتميزة و روائع المنقول 42 05-02-2014 08:20 AM
ديوان الشاعر مصطفى ملح راضيةالعرفاوي دواوين شعراء العمودي و التفعيلي 4 08-31-2010 09:54 PM
قصيدة أشعار شهيدة(ديوان حوار برئ) هشام مصطفى الفنان قناديل الشعر العمودي و التفعيلي 4 06-07-2010 09:18 AM
أشعار شهيدة(ديوان حوار برئ) هشام مصطفى الفنان قناديل الشعر العمودي و التفعيلي 5 03-01-2009 03:33 PM
صرخة الشاعر محمدأسامة محمدأسامة قناديل شعر العامية 8 08-20-2008 08:51 AM


Loading...


:: الإعلانات النصيه ::

روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه


Powered by vBulletin® Version 3.8.4
Copyright ©2000 - 2019, Jelsoft Enterprises Ltd.

Security by AOLO
vEhdaa4.0 by vAnDa ©2010