آخر 10 مشاركات
همسات ،،، (الكاتـب : - آخر مشاركة : - مشاركات : 7119 - المشاهدات : 170640 - الوقت: 02:17 AM - التاريخ: 04-03-2020)           »          خربشات على الماء (الكاتـب : - مشاركات : 827 - المشاهدات : 70758 - الوقت: 10:39 PM - التاريخ: 04-02-2020)           »          حلم قص الشعر (الكاتـب : - مشاركات : 0 - المشاهدات : 10 - الوقت: 09:13 PM - التاريخ: 04-02-2020)           »          الراعي والذئب (الكاتـب : - مشاركات : 0 - المشاهدات : 12 - الوقت: 04:27 PM - التاريخ: 04-02-2020)           »          سجل حكمتك لهذا اليوم (الكاتـب : - آخر مشاركة : - مشاركات : 4980 - المشاهدات : 135147 - الوقت: 03:28 PM - التاريخ: 04-02-2020)           »          عروس البيان :: شعر :: صبري الصبري (الكاتـب : - مشاركات : 6 - المشاهدات : 151 - الوقت: 08:27 AM - التاريخ: 04-02-2020)           »          القنوت للوقاية من الكورونا (الكاتـب : - مشاركات : 0 - المشاهدات : 15 - الوقت: 05:37 AM - التاريخ: 04-02-2020)           »          خطوط فنجانى (الكاتـب : - مشاركات : 11 - المشاهدات : 527 - الوقت: 03:41 AM - التاريخ: 04-02-2020)           »          خلف نــــــافذتى ..! (الكاتـب : - مشاركات : 381 - المشاهدات : 17881 - الوقت: 03:26 AM - التاريخ: 04-02-2020)           »          [ لا شيء يستدعي ....] (الكاتـب : - مشاركات : 10 - المشاهدات : 98 - الوقت: 11:16 PM - التاريخ: 04-01-2020)




ديوان الشاعر ماهر دياب

دواوين شعراء العامية


إضافة رد
قديم 01-23-2020, 11:45 AM رقم المشاركة : 11
معلومات العضو
شاعر
إحصائية العضو






ماهر دياب is on a distinguished road

ماهر دياب غير متواجد حالياً

 


كاتب الموضوع : ماهر دياب المنتدى : دواوين شعراء العامية
افتراضي رد: ديوان الشاعر ماهر دياب

إلي امي ...


........

هيفضل دمعي يلبسني
ويفرد فوق كتافك
شال..
هبعتر شوق ململمني
ويغزلني
حروف موال
ومش هنسي عيون قلبك
ونظرتهم
كيان وانشال..
وجوا قلوبنا لون ذكري
صور تنثال ..
داخل انفاسي قي شهيقي
ماتخرجشي في زفير
أوجاع ..
في همسي في صمتي في كلامي
صور ملتاع
عيوني تبكي وقؤادي صبح
متباع
لدمعة وتوهة ولأهة
ألم وضياع
ده شوق في القلب عطشانك
وفاتنا جياع
تفور ذكراك في بركانا
تثير أفراحنا ، أحزانا..
ونتذكر عبير روحك
بيملانا
عبير فواح
يعطر بكرة بالنعناع
وجودك كان اساس بيتنا
وعيدنا
كان وجودك فيه
لكين من بعد فرقتنا
دموعنا بالأمل تناجيه
ندور كل يوم عنه
ولا نلاقيه
رحل عيدك
وفاتنا نحن له نداديه
ونيجي نطل علي قبره
وندعي
الف رحمة عليه







رد مع اقتباس
قديم 01-23-2020, 11:46 AM رقم المشاركة : 12
معلومات العضو
شاعر
إحصائية العضو






ماهر دياب is on a distinguished road

ماهر دياب غير متواجد حالياً

 


كاتب الموضوع : ماهر دياب المنتدى : دواوين شعراء العامية
افتراضي رد: ديوان الشاعر ماهر دياب

ونازف م الجروح اشعار



علي المقسوم
ولون ألمي
بعيش مقسوم
مابين نفسي وبين
قلمي
ونازف م الجروح
اشعار
ومتحير ..
مابين اللفظ في لساني
ورد الفعل جواني
وإيه اختار
ومين قال ان انا مخير..؟
عن الجايات
بقيت عازف
وللدمعات - سنين -
عازف
والحاني
تاخدني لضرعها
الحاني
واتقوت ..
واخاف اشبع
لتقلب وشها التاني
والقاني
بقيت جاني
علي نفسي
تغيب شمسي
وانا بفكر..
نزف عروسة نرميها
في حضن النيل
نزف جرح النهار فيا
واصبح ليل
ومين فينا اللي فكره عليل..؟
ومين قاتل
_ بدون رحمة _
نهار الفرحة جوايا
وفاتني قتيل..؟؟







رد مع اقتباس
قديم 01-23-2020, 11:47 AM رقم المشاركة : 13
معلومات العضو
شاعر
إحصائية العضو






ماهر دياب is on a distinguished road

ماهر دياب غير متواجد حالياً

 


كاتب الموضوع : ماهر دياب المنتدى : دواوين شعراء العامية
افتراضي رد: ديوان الشاعر ماهر دياب

العندليب
وكان عيان سنين عمره
رحل عنا , عيينا بيه
دوانا غنوة من اغانيه
فى وقت الجرح احساسه
يطبطب ع الألم
يداويه
وكان بينا صبح فينا
حليم لينا
بينشينا يبكينا
فى دقات القلوب
نلاقيه
حباه ربه بحب الناس
وصوت حساس
وللعشاق سطع نوره
وفى الليل الغميق
وناس
وكان ويا الألم صاحب
كمان اليتم له
صاحب
بدون ابوين
مفيش لا حنان ولا توجيه
فقد الاتنين
(عليه)فى حضنها تخده
ومين هايحن غير
اخته
وكام لمسة عطوف حواليه
فى ضى عينيه
تضفر بالدموع دعوات
وفى (الحلوات)
بيتربى- ذليل الأمس - بين قومه
عزيز يومه
تمر ساعاته محسوبة
ما بين الآهة فى نهاره
وجفا نومه
وبين الصحبة واللمة
بتاخده الفرحة والهمة
يكمل يومه بين جريه
مع الأولاد - على الترعة -
وبين عومه
ولا يعرف هناك ميكروب بيستناه
ويلبد له
فى حضن الميه فى طفولته
دخل جسمه ..
ويوم ورا يوم بيكبر فيه
مع عمره
ومش عارف
ويمكن م اللى جاى خايف
تلازم دمعته عيونه
وويا الحزن تتكاتف
فقال هايغنى فى الأفراح
ويملا الكون ليالى ملاح
تترجم لوعته شفايف
ولون الحزن يتضايف
- على سفرة - طريق عمره
وطعم الجرح فيه اصناف
ومن معنى اللى جاى بيخاف
ضمور الصبر وعيدانه
رويها جفاف
ويتعلم ,علامه يحقق
الأهداف
ويدرس الة (الابوا)
بروح شفاف
وكل الضلمة ما تحوطه
طيبة قلبه
دليل\شواف
يحس بروحه بتغنى
يغنى
يغنى
من قلبه
وحتى نهاية
الأطراف
مع (الموجى) صديق عمره
((صافينى مرة وجافينى..)
وخلى مابينا ضى سؤال
عشان موهبته لف بلاد
ومش همه لا جاه ولا مال
وويا (كمال)
((حكاية شعب)) تتغنى
لزعيمنا
(جمال)
و((أحنا الشعب)) تضفيرة
ورود تهدى
وكل الشعب بيبايعه
ومهما اتقال
وصوته \غنوة\ترنيمة
ووجه جديد على السيما
وقصة تضحية لأشواق
فى ((لحن وفاء))
يضحى بحبها لعمه
عشان رباه
ومن دمه
لكنه يكمل المشوار
ويختم قصته بلحنه
ويبدأ حركة التغير
وفنه يشغل التفكير
صبح مطرب ونجم كبير
هايحيى حفلة الموسم
فى وقت ربيع
وراديو الحفلة هايذيع
وحبه الناس وكل الناس
من الشيخ الكبير والشاب
ولد أو بنت أو حتى اللى لسه
رضيع
يحس بنبض احساسه
يغنى معاه ويتمايل
هازز راسه
عشان فنان
وكان انسان
بيخدم كل اصحابه
وفاتح للقلوب بابه
ويتسامح فى حقه كتير
ومايردش
ولو يعرف مين اغتابه
لكنه فى فنه بيدقق
ويتأكد وبيحقق
وبيغير وبيبدل
ويعرف فين يقول لأ
وقالها بقوة ((لسهير))
ولا هاموش تكون
((معبودة الجماهير))
ويوعد ردها بإصرار
هاتندم واللى بينهم
تار
يروح مجروح من الفعل
اللى كان
((جبار))
وفعلاً صدق احساسه
يجيبها فى سهرة بين ناسه
تصفى حساب
يحاول انه يسمعها
وانه بجرحه يجرحها
لكنه بدمعه غنى لها
((بلاش عتاب))
ده مش هايفيد
نقول ونعيد
((أعز الناس))طوى الأحساس
((خلى القلب)) صعب القلب
قلبى انداس
وكان عنده الكرامة اساس
رفض بالغصب ياخد حقه
فى الصحرا
عشان دبلة طهارتهم
بعينه شافها فى ايديها
وكانوا وعدين محبتهم
مفيش قوة تنسيها
فخلعتها ورمتهاله
ونطق الدمع فى عنيها
وحست حبها أوهام
فجمع كل احساسه وغنى
((فى يوم من الأيام))
ولو((تخونوه))
ولو حتى يعيش
((مشغول))
هايرجع م الألم ده شديد
ويبقى بهمة متواليه
وعزمه
(وسادة) كات (خالية)
ووجه((سميحة)) يضحك له
ويعرف انه كان واهم
وان الحب مش غية
لأن الحب ده تفاهم
يشوف فى وسادته ((درية))
ده كان للدولة غنواية
و((بستان اشتراكية))
ونبع حنان
و((صورة)) عشق مروية
لقطها (جاهين)
عشان تتجمع الوحدة
فى كل ميدان
و((بالأحضان))
لكل حريص على بلاده
وجوه العين
ويتعانق مع وصفه لأمل مصر
الجميل ((بلبل)) يقول
((موال..
وقصته بتنقال
للناس
وللعاشقين))
ويحكى لمين..؟
((حكاية شعب)) يختمها
القدر والبين
ويفضل كل احساسه
يناجيها
ولو حتى قصاده مين
ده((ضحك ولعب جد وحب))لكنه
كيانه حزين
مفيش ((موعد غرام))بينه
وبين الدنيا والعايشين
لكنه بيحفظ المعروف
ويتذكر
عيون وكفوف
وصحبة بحب مروية
من(العمروسى
لكمال وموجى
بليغ
واحسان)
وكل معارفه من صحفى
ملحن ,منتجين ,فنان
((والمملكة الحرة الأبية
العربية
العلوية
المغربية
والملك الحسن الغالى))
وقف جنبه ورد جميل
وغنى له مهوش طمعان
لكنه بيعرف الواجب
مع الأحداث
يغنيها وبيواكب
وبيغى له كل لسان
ويعرف حركة الدنيا ويكبر
كل ساعة سنين
يقضى ايام مع ((الحلوة))
ويشرب بين ايديها
حنين
و((فردوس))تحكى ويصدق
عن الحاصل وايه اللى كان
تقول بعنيها هاتسبنى
يقول عمرى ومهما ان كان
ده انا حسيت معاك نفسى
((آمال))مش فاهمة تكوينى
وكنت وصلت انا ليأسى
بقوة عرفتى تراعينى
يحس بنفسه مش قادر
عايز يبعد وينزل من على الشجرة
فايلمح ابوه
بنفس الصيغة والترتيب
بيدفع للإيجار والبيت وللبقال
وفضى الجيب
ويرجع تانى لا صحابه
وابوه كان بس ايه جابو؟
دى معزوفة نسجها (حسين)
مع (احسان)
وللعرافة يستسلم
وهى بتقراله الفنجان
((ما أصعب أن تهوى أمرأة
-ياولدى-ليس لها عنوان))
هاتفضل جوه فى قلوبنا
تغنى لنا ونسمع لك
ولو هاتغيب نكون غيبنا
لأن وضوحنا يرجع لك
وكل نجاحنا فى هوانا
رشاد وعيك







رد مع اقتباس
قديم 01-23-2020, 11:48 AM رقم المشاركة : 14
معلومات العضو
شاعر
إحصائية العضو






ماهر دياب is on a distinguished road

ماهر دياب غير متواجد حالياً

 


كاتب الموضوع : ماهر دياب المنتدى : دواوين شعراء العامية
افتراضي رد: ديوان الشاعر ماهر دياب

يعرفها العاشق

البنت حروف
ترتيبها يجسم معناها
تقسيمها يأسس مغزاها
تغليفها اللى يفضه
بكاها
البنت حروف..
تنطقها الدنيا بكل لسان
يعرفها العاشق
ويصوغها
بكل معانى الحب
سهر وحنان
يعرفها الخايف,المادد ايده
يفض غلاف الخوف
الهايب من ان الشمس
تكون فى كسوف
البنت حروف
يغزلها العاشق شمسيه
تدريه من كل عيون الناس
البصه من البلكون
تدريه فى الشتا من هب
الريح
ليغير من وضع القصه
الطايره على جبينه
وتدارى الساعه
اللى مهياش ضد الميه
علشان بيها بيقدر
يعرف قيمة الوقت
ويلف معاها بقلبه
الحافى
يطوف
يغزل م البنت كلامه
ويدخن م العلبه
(الكنت)
مهو اصله بيعرف يقرا
وداخل
جوه حروف البنت







رد مع اقتباس
قديم 01-23-2020, 11:49 AM رقم المشاركة : 15
معلومات العضو
شاعر
إحصائية العضو






ماهر دياب is on a distinguished road

ماهر دياب غير متواجد حالياً

 


كاتب الموضوع : ماهر دياب المنتدى : دواوين شعراء العامية
افتراضي رد: ديوان الشاعر ماهر دياب

كل الحريم


ما بين لهيب النار
والعزه لكرا متى
حالف لجيب الهنا
وارفع معاه قامتى
والم كره اندفن
بين العيدان والقمح
واشيل ضلام انتشر
بين المياه والملح
بين الضلام واليل
عزم اللى بات فى الويل
يرفع ريات نصره
فوق رمل سينا
وجينا
ندفع لتراب مهره
كانت لهيب النار
طايله السحاب
واحنا

كلت جبال تحتنا
وسلاحنا ما خنا
وصنا عرض العروسه
والزفه لعرسنا
اللى دخل عرسها
ولقاها بنت بنوت
ما سلمت عرضها
بالرغم ما بيفوت
دخل ما فض البكاره
وقال دى مصريتى
عايشه حرف ومهاره
وشرفها وطنيتى
ناديتها يا امه
يابنتى
يااختى
يازوجتى
كل الحريم
اتجمعوا
واتصنفوا
وغزلتهم
انتى







رد مع اقتباس
قديم 01-23-2020, 11:50 AM رقم المشاركة : 16
معلومات العضو
شاعر
إحصائية العضو






ماهر دياب is on a distinguished road

ماهر دياب غير متواجد حالياً

 


كاتب الموضوع : ماهر دياب المنتدى : دواوين شعراء العامية
افتراضي رد: ديوان الشاعر ماهر دياب

لبلابه




الود لبلابة وصال
بتغلف البعد اللى مادد
جذره جو الأرض
وبتقتل النهايات
وبتفرش الحزن
على ضهر الزوابع
اللى بتسافر بعيد
وبتلضم العلاقات
سبح
وتحل الغاز الضنا
وبتعترف ان الأمان
جو لبلابة وداد







رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
الأعضاء الذين قرأو الموضوع :- 1
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


:: الإعلانات النصيه ::

روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه


Powered by vBulletin® Version 3.8.4
Copyright ©2000 - 2020, Jelsoft Enterprises Ltd.

Security by AOLO
vEhdaa4.0 by vAnDa ©2010