آخر 10 مشاركات
أبجديات (الكاتـب : - مشاركات : 30 - المشاهدات : 351 - الوقت: 09:45 AM - التاريخ: 01-18-2020)           »          من بيادر الأحلام (الكاتـب : - مشاركات : 47 - المشاهدات : 2320 - الوقت: 08:57 AM - التاريخ: 01-18-2020)           »          أسْتَبيحُ لِلوَردِ أنْفاسي (الكاتـب : - مشاركات : 12 - المشاهدات : 449 - الوقت: 05:46 AM - التاريخ: 01-18-2020)           »          روح وروح (الكاتـب : - مشاركات : 31 - المشاهدات : 2201 - الوقت: 03:38 AM - التاريخ: 01-18-2020)           »          :~* هل ،،، تسمعني ؟! :~* (الكاتـب : - مشاركات : 1127 - المشاهدات : 47956 - الوقت: 02:27 AM - التاريخ: 01-18-2020)           »          هُمْ لا يَعْلَمونَ (الكاتـب : - مشاركات : 67 - المشاهدات : 3314 - الوقت: 01:24 AM - التاريخ: 01-18-2020)           »          .. من زاويةٍ أُخـرى ................. (الكاتـب : - آخر مشاركة : - مشاركات : 3 - المشاهدات : 65 - الوقت: 01:04 AM - التاريخ: 01-18-2020)           »          هذيان الشتاء (الكاتـب : - آخر مشاركة : - مشاركات : 3855 - المشاهدات : 197567 - الوقت: 01:00 AM - التاريخ: 01-18-2020)           »          بخيل (الكاتـب : - آخر مشاركة : - مشاركات : 4 - المشاهدات : 82 - الوقت: 12:39 AM - التاريخ: 01-18-2020)           »          سأنتظر البحر إذن (الكاتـب : - آخر مشاركة : - مشاركات : 335 - المشاهدات : 20108 - الوقت: 10:29 PM - التاريخ: 01-17-2020)




لحن العزوف ( قصيدة طويلة )

قناديل شعر العامية


إضافة رد
قديم 10-21-2019, 10:40 AM رقم المشاركة : 1
معلومات العضو
شاعر
إحصائية العضو






ماهر دياب is on a distinguished road

ماهر دياب متواجد حالياً

 


المنتدى : قناديل شعر العامية
افتراضي لحن العزوف ( قصيدة طويلة )

((1))
..
خد البنات
..
بينى وبين الأزمنة
وقفات
زارعه ما بين الأورده
آنات
يا حلم لسه بنحلمه
بين النهار
والليل
ايه اللي سكت عزمنا
دوقنا طعم
الويل
قلبه العليل
ولا
كل اللي فات
خلى
ضوء النهار اسوار
حاسه القلوب بدوار
ضعف القرار
مات
لونت فوق
خد البنات
لون الدموع \ الدم
صبح الصباح
بالهم
نال المراد منى
فى الحزن قوم
غنى
احسب سنين ظنى
لاجل الجراح تتلم
واحسب كمان
عدد الزمان
لما الأمان اتشد
دوقنا طعم الخوف
نسمع وعينا تشوف
وللجاى عارفين
عنه الحجاب
مكشوف
صوت اللي جاى
ظمآن
خايف يكون زيك
تايهة حبال صوته
ضايعه قبور موته
يبقى البوار ريك


((2))

نوبة رمد
..
بينى وبين الأزمنه
وقفات
متلطمه بين الدموع
والأمنيات
زمن النهار \ الليل
زمن القرار \ الصمت
زمن الجراح والويل
زمن اللى فات
\ دلوقت
زمن البكاره \ الثيبات
لسه الأمانى ممكنه
لو ترفض العزم \ السكوت
لو تسرى جوه الأمكنه
تزرع الدعوات بارود
ترفض الآهه الجريحه
ترفض السجن \ الحدود
تحلب الصبح الجديد
قبل ماتجف النهود
تزرع الأنسام بشاير
جوه ارضك
لو تموت
لسه الأمل
مسكوب
على اعتاب الشداد
بس الأمل
معصوب عيونه الرمدانين

محتاج لإيمان الولاد
بقضية الوطن \ الأنين
محتاج لكم ..
مدو ايديكوا وفكوا عن عينه
الرباط
بينا وبينكم عدد النجوم ديا
رباط
فكوا الرباط
هتلاقوا تحت الأربطه
نوبة رمد
لون لاحمرار
محتاجه للعزم \ الجلد
محتاجه رفض
الإنتظار
لو شاف صحيح
هيجيكوا
فارد خطوته
يفرش امانه فوق عبير
السوسنات
هيصلى فى المحراب
وطن
هيعدى فوق
المانعات
يسطر قرار
فوق الجدار
\ الأزمنه
يحفر وريد
لحياة وليد
مايشوفش يوم فيه الشجر
هربان وخايف
لاخضرار
وساعتها هيدوى
الأمل
كلمة أمانه
إنتصار


((3))

..
العزم الملول
..
يا ام الشهيد
حملتى
بالإيمان والصبر
وضعتى باختيارك
نور
وزفيتى الوليد
ع الحور
وسكنتى الحياه
في القبر
يا ام الشهيد
الدمع فى عيونك
فرح
الآهة جواكى مرح
نبتك طرح
ضلل على اخواته
ماتقوليش النبت مات
بالعكس هما اللي ماتوا
علميهم الحياه
الموت
والنطق مش عكس السكوت
ده السكوت أبلغ كلام
من حباله الدايبه فيه
يرسم سلام
يفرش في أجوائه الحمام
ينعس القلقان
ينام
والضلام راح يبقى نور
يا ام الشهيد
لسانا واقفين فى الطابور
يمكن علينا - كمان شويه - الدور
ما احنا شيفين اللي حاصل
لينا واصل
الشيطان ناشر صغاره
كل منهم فى مكان
كل واحد له حصاره
فين مكانه أو زمانه
والأوان
لسه بيسرح عياله
لجل يتحقق أماله
لاجل يشبع ، أ صله للطغيان
جعان
وجبة فطاره
البيوت
يهدمها ويزيد الحدود
والغدا
اطفال يتامى
يبكوا ابوهم
اللي راح
وبأمر منهم
حددوله يوم رحيل
حددو الوقت \ المكان
سفروه سفره الطويل
اللي ما يقدر يعيده
الزمان
يفضل الموجود
أرامل
محتارين بين كل لون
والظنون
صيدنها بشباكهم
يرتمو فى حضن الدموع
ع اللى راح
ومالوش رجوع
وسط صمت الجرح بينادوا
يسوع
قوم تعالى
فك أسر
الحلم \
البتول
حمس العزم الملول
رجع الحق لصحابه
رجع الروح للأصول
واحيى اطفالنا اللي ماتوا
رجع الأب لولاده
وامحى من روحنا
الدبول


((4))
..
لحن العزوف
..
اركب حصان
فكرك
وبلور فكرتك
السكه مش ضلمه
الضلمه هى سكتك
احفر مابين الأفئده
وديان
واقتل وريد النبض
فى كيان الجبان
واسدل الأحلام أوان
يا اللي انت
بالأمس القريب
ماشى ورامى
بصتك
فين صرختك ..؟
الصرخه فى الرعشات
أمان
تكشف بلادك للشموس
والعزم هو ضلتك
اطلق العبارات رماح
واحبس العبرات منى
أحفر الأجواء جراح
واسمع الصرخات غنى
وانت أنا
قوم نشترى
لحن العزوف
الكبرياء
يا ابو القلم
فاض الألم
والحبر رفض المحبره
والمقبره
رافضه الفراغ
عايزه الشهيد
طمعانه تبقى اضرحه
تكتب حروف الأسم
بالنور
فى الزمن
تنسى المحن
تطلق زفير العتمه
والأشجان
تسمع أدان بيدوى
بين الأسئله
يصبح جواب
الله أكبر
تمحى أنات العذاب
الله أكبر
فوق سريرك التراب
والشهاده
بالعباده
لمست بلفحتها
السحاب
نتجت عن اللفحه
المطر
غسل الشوارع
والبيوت
حبّل التوهان شطوط
ولدت فينا الصمود
موتت اللي اسمه موت
بدلت الفاظ لغانا
علمتنا الأمانه
والأمانه
الوطن
والمسلمين حفظوا الوديعة
جوه منهم عزم ثابت
علو بيها حصون
مانيعة
كسرو قيود المحن
متقدمين كاشفين صدورهم
زحفهم لزمام مصيرهم
عزمهم ثاير داخلهم
اصلهم كرهو الفناء
متشوقين لخلود حياتهم
كرهو اغطية العراء
علوا بالإيمان رايتهم
واحنا منهم
فات علينا كتير صعاب
قسمت بينا المناب
حبلتنا بالهضاب
اجهضت فينا الوثاب
بس يومها قولنا لأ
شق جوه قلوبنا شق
خدنا منهم كل حق
بالإيمان الرفض دق
انت فاكر
واحنا عشنا
حس بينا تكون مصيرنا
واحنا أحنا
بس أنتم جوه منكم
نزف بيغطى عرينكم
قوموا بينا ..يالا فينكم
يسترد النور وطنكم
أو نكون
أحنا وأنتم
عزم ثاير جوه منهم
نفرد الإحساس كبارى
نوصل الشطآن سكك
نزرع الصدفات بارود
والجراح فينا جنود
وبصدورنا نقيم حدود
لاجل نرجع بالوطن


((5))
..
خيط العنكبوت
..
بعتذر لك
عن الأمانى
المستحيل
عن الحاضر \ الليل
عن الماضى اللي كان
ويل
عن التوهان ، عن الكلمة
اللي مالها دليل
عن الأمس اللي قال بكره
اكيد بكره هيبقى طبيب
وجه بكره
بضى عليل
بقى ماضى
وخيط العنكبوت غطى
مسافة جيل
مقدرشى اللى جاى واحتد
مالملمش الدموع
م الخد
ماصورشى الامانى
حد
ولا كان الوطن لقمه
عشانها الإيد
سنين تتمد
مع ان الغضب اعاصير
يثور ليها الوليد
فى المهد
ويتسد الطريق بينا
ولا يعدى الجبان
يرتد
انا اسف
واسفى مهوش
حروف كلمه
ده صوت تاهت
علاماته
نزف ذاته
خجل من وقع اناته
عزم بكره يكون ذكرى
ويحبس فيه
مسراته
ولا يرضى
ولا يمكن فى يوم يرضى
عدواته
ونفسه يهد مأساته
ويرجع للوجود
انسان
ويلقى له فى نفسه مكان
ويعرف انه مش ممكن
يعيش حاير
بدون
عنوان


((6))
..
واجيكي
..
بعتذرلك
بس مش عارف اقولك
انى منك
وانت منى
ساكنه فى الأرواح
جسد
راسمه فى الأبصار
عيون
مستنسخين صورتك
وجوهنا
بالأخص وجوه
شبابنا
اللي معتنق الايمان
والجبان
خارج صورتنا
صدقينى
نفسى الململك حياتك
ذكرياتك
أمسياتك
لأ وأغزلك شتاتك
وابقى نطقك
مش سكاتك
وابقى رفضك
يمكن اشفيلك أهاتك
بعتذر
والعذر قبر
المظلومين
والصمت كبت
الثائرين
والأرض عرض
المتصانين
والرفض داخلنا حزين
ضل الطريق
فارد ضفاير وحدته
ضايعه معالم ندهته
ومفيش صديق
لاجل نتكاتف
عشانك
لاجل تبقى الروح
ونبقى
بالأجساد كيانك
لاجل نرجع للشجر
بالضل اللي كان عاصى
وفارق
باللون اللي ضايع
وباهت
بالطير اللي مارق
بالصحبه اللي بتزين
مكانك
باحمرار الورد فى خدودك
بانكسار الشمس فى
وجودك
بانشغال وتر الأمان
لما يعزف لحنه
عودك
واجيكى..
بعد كل الصعب
اجيكى
ارتمى جوه ورودك
اللي دبلها الألام
بس فيها لسه ريحتك
جوه منها آثار
صوابعك
يوم ما زينتى حدودك
والسلام
هو
بصيرتك


((7))
..
فارش لي نصره
..

بعتذر لك
بس رافض فيا عذرى
نفسى أجرى وارمى نفسى
جوه صندوق م الخشب
والريح توصلنى لعدوى
والخبر ينزاع يدوى
وابقى ليهم
إبتسامه
وابقى بينهم
والمستحيل ان ابقى منهم
وإن جابولى التمره
والجمره كمان
أختار اكيد التمره
واعلن العصيان
لجل أجلب السلامه
لجل امحى
العتامه
لجل كل الناس تشوف
- جوه إيدى من آيات ربى -
علامه
مش راح اهرب او أخاف
مش هسيبهم يقتلوهم من
خلاف
مش هخاف
حتى لو يجتمعوا علشان يقتلونى
أو يجينى شخص يسعى
لاجل افارق البلاد
مش هخاف
طول ما بين إيدى
عصايتى
طول ماتكوين الإيمان
جواه مرايتى
طول ماربى فارش لى نصره
معلى رايتى
طول ما كل الناس
بتتعلم وتتنقل
حكايتى
مش هخاف من ظلم
طاغى
مش هتبقى فى يوم
نهايتى






رد مع اقتباس
قديم 10-27-2019, 03:49 PM رقم المشاركة : 2
معلومات العضو
نائب رئيس مجلس الإدارة

الصورة الرمزية عايده بدر
إحصائية العضو







عايده بدر will become famous soon enough

عايده بدر متواجد حالياً

 


كاتب الموضوع : ماهر دياب المنتدى : قناديل شعر العامية
افتراضي رد: لحن العزوف ( قصيدة طويلة )



لحن العزوف
لكن الماء هنا انهمر مع كل حرف
ورسم صور وعلاقات الإنسان مع ذاته ومع من حوله
القصيدة طويلة بحق شاعرنا القدير وباعتقادي والأمر راجع لك بكل تأكيد
يمكن نشرها على مقاطع لتكون الرؤية أكثر تركيزاً للقارىء
تقديري لروحك الراقية شاعرنا القدير ولحرفك الباهي الثائر
مودتي وكل تقديري
عايده







التوقيع

"روح تسكن عرش موتي تعيد لي جمال الوجود الذي هو بعيني خراب "


صـــ ،،،،، ــــمـــ ،،،،، ــــت

،،، فرااااااغ ،،،
http://aydy000badr.blogspot.com/
رد مع اقتباس
قديم 12-07-2019, 04:44 PM رقم المشاركة : 3
معلومات العضو
شاعر
إحصائية العضو






ماهر دياب is on a distinguished road

ماهر دياب متواجد حالياً

 


كاتب الموضوع : ماهر دياب المنتدى : قناديل شعر العامية
افتراضي رد: لحن العزوف ( قصيدة طويلة )

اقتباس : المشاركة الأصلية كتبت بواسطة عايده بدر [ مشاهدة المشاركة ]


لحن العزوف
لكن الماء هنا انهمر مع كل حرف
ورسم صور وعلاقات الإنسان مع ذاته ومع من حوله
القصيدة طويلة بحق شاعرنا القدير وباعتقادي والأمر راجع لك بكل تأكيد
يمكن نشرها على مقاطع لتكون الرؤية أكثر تركيزاً للقارىء
تقديري لروحك الراقية شاعرنا القدير ولحرفك الباهي الثائر
مودتي وكل تقديري
عايده


كل الود لكم
وتحياتي






رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
الأعضاء الذين قرأو الموضوع :- 4
, , ,
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


:: الإعلانات النصيه ::

روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه


Powered by vBulletin® Version 3.8.4
Copyright ©2000 - 2020, Jelsoft Enterprises Ltd.

Security by AOLO
vEhdaa4.0 by vAnDa ©2010